ELIMIZDIŃ TEŃIZ JAIaÝ ÁSKERLERI ATYRAÝ OBLYSYNA KО́MEKKE ATTANDY

Elimizdiń teńiz jaıaý áskerleri tasqyn sýdan zardap shekken Atyraý oblysyna kómekke attandy. 300-den asa sarbaz arnaıy kıim,  quraldarmen jaraqtanǵan.

Búgin sarbazdardyń kezekti legi mingen júk kólikteri Aqtaýdaǵy áskerı bazadan shyqty. Jospar boıynsha kolonna orta jolda vagondar men platformalarǵa aýysady. Odan ári kórshi óńirge temirjolmen barady. Dittegen jerge jetkesin, brıgada bólimsheleri shuǵyl kómek qajet aýdandarǵa bólinedi.

Sanjar Temirov, shabýyldaý batalonynyń sarbazy: — Atyraý oblysy, Qulsary qalasynyń týmasymyn. Qazirgi tańda elimizde bolyp jatqan qıynshylyqtarda 390-shy áskerı teńiz jaıaý áskeri brıgadasy Qulsary qalasyna kómegin, qol ushyn sozbaq. Azamat Súleımenov, №25744 áskerı bóliminiń komandıri: — 300-den asa qyzmetshisi men 15-ke jýyq áskerı tehnıkasyn dál qazir Atyraý qalasyndaǵy jergilikti turǵyndarǵa kómek kórsetý úshin temirjol kóligimen tasymaldaýǵa daıyndyq júrýde. №25744 áskerı bóliminiń jeke quramy halyqqa barynsha qyzmet kórsetýge daıyn.