ەلىمىزدىڭ تۇكپىر-تۇكپىرىندە ەرىكتىلەر جىلۋ جيناپ جاتىر

قازاقستاندىقتار كوكتەمگى تاسقىننان زارداپ شەككەن تۇرعىندارمەن بىرگە! قازىر سۋ باسقان ايماقتارعا ەلىمىزدىڭ تۇكپىر – تۇكپىرىندە گۋمانيتارلىق كومەك جينالىپ جاتىر.

ال سولتۇستىك قازاقستان وبلىسىنا سوناۋ تۇركىستاننان قۇتقارۋشىلار جاساعى شىقتى. قىزىلوردالىق ۆولونتەرلار توپان سۋدان زارداپ شەككەن وڭىرلەرگە گۋمانيتارلىق كومەك جيناپ جاتىر. وبلىس ورتالىعى مەن اۋدانداردان ارنايى جيناقتاۋ بەكەتى اشىلدى. بۇل جەردە تۇرعىندار اكەلگەن زاتتار مەن كيىم كەشەكتەر سۇرىپتالادى.

ەرىكتىلەر نەعۇرلىم از ۋاقىتتا بارىنشا كوبىرەك كومەك كورسەتۋدى جوسپارلاعان. سوندىقتان الەۋمەتتىك جەلى ارقىلى حابارلاپ قانا قويماي, ساۋدا ورىندارى مەن كاسىپكەرلىك نىسارداردى ارالاپ, جىلۋ جيناۋعا كىرىستى. ءبىرىنشى كەزەكتە كۇرەك, رەزەڭكە ەتىك, گيگيەنالىق زاتتار مەن تەز بۇزىلمايتىن ازىق-ت ۇلىك قورىن جاساقتاۋعا باسىمدىق بەرىلگەن. «يگى شاراعا 50-گە جۋىق ەرىكتى ستۋدەنت قاتىسىپ جاتىر. ولاردىڭ قاتارى كۇن سايىن تولىعا بەرمەك. جۇك تاسىمالداۋ ءۇشىن اۆتوۆولونتەرلەر دە دايىن»,-دەيدى ۇيىمداستىرۋشىلار. بولاتبەك ايتبەنبەتوۆ, وبلىستىق ەرىكتىلەر فرونت ءوفيسىنىڭ جەتەكشىسى: — وبلىس كولەمىندە, اۋدانداردان قارجىلاي كومەك كورسەتەتىن ەسەپشوت سۇراپ جاتقانى راس. وسى بىرىڭعاي ەسەپشوت شىققان بويدا سول كىسىلەرگە اقپاراتتى جولدايتىن بولامىز, قارجىلىق كومەك جيناۋ بويىنشا. 30 توننا گۋمانيتارلىق كومەك جونەلتىلدى تۇركىستان وبلىسىنىڭ ەرىكتى جاستارى سۋ تاسقىنىنان زارداپ شەككەن اقتوبە وبلىسىنا 30 توننادان استام گۋمانيتارلىق كومەك جونەلتتى.

دەمالىس كۇندەرى وبلىستىق «جاستار رەسۋرستىق ورتالىعىنا» اۋدان-قالالاردان كيىم-كەشەك, گيگيەنالىق زاتتار, ۇن, سۇيىقماي, ماكارون ءونىمى, تۇز, قانت, كورپە-توسەك پەن توسەنىش-كىلەمدەر جانە باسقا دا قاجەتتى زاتتار جينالعان. بۇل ءوڭىر جاستارىنىڭ سۋ باسقان ايماققا جىبەرگەن العاشقى كومەگى ەمەس, بۇعان دەيىن دە جاستار ورتالىعى بەلسەندىلەرى جەرگىلىكتى اكىمدىكپەن بىرلەسىپ 1 جۇك كولىگىن جونەلتسە, كۇنى كەشە سايرام اۋدانىنىڭ دەپۋتاتتارى مەن قولى اشىق ازاماتتارى 2 جۇك كولىگىنە قاجەتتى زاتتاردى تيەپ جولعا شىعىپ كەتتى. جاۋاپتىلار كومەك بۇنىمەن توقتاپ قالمايتىنىن, ءالى دە جان-جاقتان كومەك قولىن سوزۋشىلاردىڭ كوپ ەكەنىن جەتكىزدى. ماقسۇتحان راسۋلحان ۇلى, ۆولونتيور: — قازىرگى تاڭدا ەلىمىدە كوپتەگەن جەرلەردى سۋ الىپ جاتىر. كوپتەگەن تۇرعىندار باسپاناسىز قالىپ جاتىر. مال-جاندار قىرىلىپ اتىر. سوعان ءبىز بەيجاي قاراپ وتىرماي, تۇركىستان جاستارى وبلىس ورتالىعىندا ارنايى شتاب قۇرىپ, جۇزدەن اسا ەرىكتىلەر جينالعان كومەكتى سۋ باسقان ايماقتارعا جىبەرىپ جاتىرمىز. ءبىز سۋ باسقان ايماقتارمەن بىرگەمىز. ەرلان كۇزەمباەۆ, وبلىستىق ىشكى ساياسات باسقارماسىنىڭ باسشىسى: — بىرىنشىدەن, جاستارعا راحمەت ايتامىن. وزدەرىنىڭ بارىن, نار ەكەنىن كورسەتىپ, اۋدان-اۋدانداردى ۇيلەستىرىپ, اعالارىن, تۇرعىنداردى, كاسىپكەرلەردى, مەتسەناتتاردى جۇمىلدىرىپ, ۇيىمداستىردى. «كۇشىمىز بىرلىكتە» دەگەندەي وسى اكتسيانى جالعاستىراتىن بولامىز. الداعى ۋاقىتتا دا كومەكتەردى جونەلتەمىز. تارازدىقتار كومەك قولىن سوزدى وسىنداي يگى ىستەن تارازدىقتار دا شەت قالمادى.

قالانىڭ ءار بولىگىندە 10-عا جۋىق جۇك كولىگى قويىلعان. اۆتوكولىكتەرگە اسا قاجەتتى ازىق-ت ۇلىك پەن كيىم-كەشەكتەر تيەلگەن. تۇرعىنداردىڭ ءبىرى اقشالاي كومەك بەرسە, ەندىگىسى سىرت كيىم مەن بارىن اكەلىپ جاتىر. ەرىكتىلەر ارنايى شوت اشىپ قارجى دا جيناۋ ۇستىندە. وعان ەتىك, بالالار جورگەگى مەن ءدارى-دارمەك سىندى ەڭ قاجەتتى زاتتار الىنادى. بايان كوشكىنباەۆا, قالا تۇرعىنى: — قيىن قىستاي كەزەڭدە ءبىر-بىرىمىزگە كومەكتەسپەسەك كىم كومەكتەسەدى. كومەكتەسىڭدەر بارلىقتارىڭدى شاقىرامىن. كورىپ جاتىرمىز, جۇرەگىم اۋىرىپ بارىمدى الىپ كەلدىم. بالدارعا اق جول تىلەيمىن. امان ەسەن جەتكىزسىن سالەمىمىزدى, امان-ەسەن بولسىن. ايدوس الپىسباەۆ, ۆولونتيور: — تاراز قالاسىنىڭ تۇرعىندارى وتە كەرەمەت قول ۇشىن سوزىپ جاتىر دەۋگە بولادى. كەيبىر جىگىتتەر كەشە كوزىمىزگە جاس تا الىپ جاتىرمىز. بەرەتىن اقشاسى جوق, قالتاسىندا 500 تەڭگەسى بار كۋرتكاسىن شەشىپ بەرىپ كەتىپ جاتىر. كاسىپكەر كىسىلەر ماتراستاي بەرىپ جاتىر,پلەت بەرىپ جاتىر ەندى شاماسى جەتكەنىنە بايلانىستى. ءبىر زاپراۆكا جول نەسىنە كومەكتەسەمىز دەپ جاتىر. كەشە ءبىر تاۋلىكتىڭ ىشىندە 3 گازەلىمىز تولدى تولىق. قۇتقارۋشىلار جاساعى كەلدى ال سولتۇستىك قازاقستان وبلىسىنا تۇركىستاننان 50 قۇتقارۋشى كومەككە كەلدى. ولار تاسقىن قاۋپى جوعارى عابيت مۇسىرەپوۆ, ايىرتاۋ, تايىنشا جانە تيميريازەۆ اۋداندارىنا جىبەرىلەدى. توتەنشە جاعدايلار دەپارتامەنتى قىزمەتكەرلەرىنىڭ ايتۋىنشا, بۇل ايماقتاردا ءالى دە قار قالىڭ. سوندىقتان وڭتۇستىكتەن تارتىلعان ماماندار الدىن الۋ, باقىلاۋ جۇمىستارىنا جۇمىلدىرىلادى.

بۇعان دەيىن حابارلاعانىمىزداي, وڭىردە 87 ەلدى مەكەندى سۋ باسۋى مۇمكىن. سينوپتيكتەردىڭ بولجامى بويىنشا, وسى اپتانىڭ سوڭىنا قاراي كۇن كۇرت جىلىنادى. سوندىقتان قۇتقارۋشىلار ساقتىق شارالارىن بارىنشا كۇشەيتىپ وتىر. جەدەل – ارەكەت ەتۋ شتابى تاۋلىك بويى جۇمىس ىستەيدى. مۇرات قانعوجينوۆ, وبلىستىق تجد باستىعىنىڭ ورىنباسارى: — كەشە اقمولا وبلىسى الەكسەەۆكا اۋىلىنداعى گيدروتەحنيكالىق نىسان تولىپ, تايىنشا قالاسىنا قاۋىپ ءتوندىردى. تۇرعىندار بالالارىن كوشىرىپ, وزدەرى ۇيدە قالدى. بىراق اعىن سۋ بوگەتكە جەتپەي توقتاپ, قازىر ساباسىنا ءتۇستى. باسقا ەلدى مەكەندەر امان. تاسقىننان زارداپ شەككەن تۇرعىندارعا «قازاقستان حالقىنا» قورى مەن بيزنەس وكىلدەرى دە كومەك كورسەتەدى. بۇل رەتتە مەملەكەت باسشىسى شۇعىل شارالار قابىلداپ, ۇكىمەتكە ناقتى تاپسىرمالار جۇكتەدى.