ELIMIZDIŃ TÚKPIR-TÚKPIRINDE ERIKTILER JYLÝ JINAP JATYR

Qazaqstandyqtar kóktemgi tasqynnan zardap shekken turǵyndarmen birge! Qazir sý basqan aımaqtarǵa elimizdiń túkpir – túkpirinde gýmanıtarlyq kómek jınalyp jatyr.

Al Soltústik Qazaqstan oblysyna sonaý Túrkistannan qutqarýshylar jasaǵy shyqty. Qyzylordalyq volonterlar topan sýdan zardap shekken óńirlerge gýmanıtarlyq kómek jınap jatyr. Oblys ortalyǵy men aýdandardan arnaıy jınaqtaý beketi ashyldy. Bul jerde turǵyndar ákelgen zattar men kıim keshekter suryptalady.

Eriktiler neǵurlym az ýaqytta barynsha kóbirek kómek kórsetýdi josparlaǵan. Sondyqtan áleýmettik jeli arqyly habarlap qana qoımaı, saýda oryndary men kásipkerlik nysardardy aralap, jylý jınaýǵa kiristi. Birinshi kezekte kúrek, rezeńke etik, gıgıenalyq zattar men tez buzylmaıtyn azyq-túlik qoryn jasaqtaýǵa basymdyq berilgen. «Igi sharaǵa 50-ge jýyq erikti stýdent qatysyp jatyr. Olardyń qatary kún saıyn tolyǵa bermek. Júk tasymaldaý úshin avtovolonterler de daıyn»,-deıdi uıymdastyrýshylar. Bolatbek Aıtbenbetov, oblystyq eriktiler front ofısiniń jetekshisi: – Oblys kóleminde, aýdandardan qarjylaı kómek kórsetetin esepshot surap jatqany ras. Osy birińǵaı esepshot shyqqan boıda sol kisilerge aqparatty joldaıtyn bolamyz, qarjylyq kómek jınaý boıynsha. 30 tonna gýmanıtarlyq kómek jóneltildi Túrkistan oblysynyń erikti jastary sý tasqynynan zardap shekken Aqtóbe oblysyna 30 tonnadan astam gýmanıtarlyq kómek jóneltti.

Demalys kúnderi oblystyq «Jastar resýrstyq ortalyǵyna» aýdan-qalalardan kıim-keshek, gıgıenalyq zattar, un, suıyqmaı, makaron ónimi, tuz, qant, kórpe-tósek pen tósenish-kilemder jáne basqa da qajetti zattar jınalǵan. Bul óńir jastarynyń sý basqan aımaqqa jibergen alǵashqy kómegi emes, buǵan deıin de jastar ortalyǵy belsendileri jergilikti ákimdikpen birlesip 1 júk kóligin jóneltse, kúni keshe Saıram aýdanynyń depýtattary men qoly ashyq azamattary 2 júk kóligine qajetti zattardy tıep jolǵa shyǵyp ketti. Jaýaptylar kómek bunymen toqtap qalmaıtynyn, áli de jan-jaqtan kómek qolyn sozýshylardyń kóp ekenin jetkizdi. Maqsuthan Rasýlhanuly, volontıor: – Qazirgi tańda elimide kóptegen jerlerdi sý alyp jatyr. Kóptegen turǵyndar baspanasyz qalyp jatyr. Mal-jandar qyrylyp atyr. Soǵan biz beıjaı qarap otyrmaı, Túrkistan jastary oblys ortalyǵynda arnaıy shtab quryp, júzden asa eriktiler jınalǵan kómekti sý basqan aımaqtarǵa jiberip jatyrmyz. Biz sý basqan aımaqtarmen birgemiz. Erlan Kúzembaev, oblystyq ishki saıasat basqarmasynyń basshysy: – Birinshiden, jastarǵa rahmet aıtamyn. О́zderiniń baryn, nar ekenin kórsetip, aýdan-aýdandardy úılestirip, aǵalaryn, turǵyndardy, kásipkerlerdi, meenattardy jumyldyryp, uıymdastyrdy. «Kúshimiz birlikte» degendeı osy akııany jalǵastyratyn bolamyz. Aldaǵy ýaqytta da kómekterdi jóneltemiz. Tarazdyqtar kómek qolyn sozdy Osyndaı ıgi isten tarazdyqtar da shet qalmady.

Qalanyń ár bóliginde 10-ǵa jýyq júk kóligi qoıylǵan. Avtokólikterge asa qajetti azyq-túlik pen kıim-keshekter tıelgen. Turǵyndardyń biri aqshalaı kómek berse, endigisi syrt kıim men baryn ákelip jatyr. Eriktiler arnaıy shot ashyp qarjy da jınaý ústinde. Oǵan etik, balalar jórgegi men dári-dármek syndy eń qajetti zattar alynady. Baıan Kóshkinbaeva, qala turǵyny: – Qıyn qystaı kezeńde bir-birimizge kómektespesek kim kómektesedi. Kómektesińder barlyqtaryńdy shaqyramyn. Kórip jatyrmyz, júregim aýyryp barymdy alyp keldim. Baldarǵa aq jol tileımin. Aman esen jetkizsin sálemimizdi, aman-esen bolsyn. Aıdos Alpysbaev, volontıor: – Taraz qalasynyń turǵyndary óte keremet qol ushyn sozyp jatyr deýge bolady. Keıbir jigitter keshe kózimizge jas ta alyp jatyrmyz. Beretin aqshasy joq, qaltasynda 500 teńgesi bar kýrtkasyn sheship berip ketip jatyr. Kásipker kisiler matrastaı berip jatyr,plet berip jatyr endi shamasy jetkenine baılanysty. Bir zapravka jol nesine kómektesemiz dep jatyr. Keshe bir táýliktiń ishinde 3 gazelimiz toldy tolyq. Qutqarýshylar jasaǵy keldi Al Soltústik Qazaqstan oblysyna Túrkistannan 50 qutqarýshy kómekke keldi. Olar tasqyn qaýpi joǵary Ǵabıt Músirepov, Aıyrtaý, Taıynsha jáne Tımırıazev aýdandaryna jiberiledi. Tótenshe jaǵdaılar departamenti qyzmetkerleriniń aıtýynsha, bul aımaqtarda áli de qar qalyń. Sondyqtan ońtústikten tartylǵan mamandar aldyn alý, baqylaý jumystaryna jumyldyrylady.

Buǵan deıin habarlaǵanymyzdaı, óńirde 87 eldi mekendi sý basýy múmkin. Sınoptıkterdiń boljamy boıynsha, osy aptanyń sońyna qaraı kún kúrt jylynady. Sondyqtan qutqarýshylar saqtyq sharalaryn barynsha kúsheıtip otyr. Jedel – áreket etý shtaby táýlik boıy jumys isteıdi. Murat Qanǵojınov, oblystyq TJD bastyǵynyń orynbasary: – Keshe Aqmola oblysy Alekseevka aýylyndaǵy gıdrotehnıkalyq nysan tolyp, Taıynsha qalasyna qaýip tóndirdi. Turǵyndar balalaryn kóshirip, ózderi úıde qaldy. Biraq aǵyn sý bógetke jetpeı toqtap, qazir sabasyna tústi. Basqa eldi mekender aman. Tasqynnan zardap shekken turǵyndarǵa «Qazaqstan halqyna» qory men bıznes ókilderi de kómek kórsetedi. Bul rette Memleket basshysy shuǵyl sharalar qabyldap, Úkimetke naqty tapsyrmalar júktedi.