جاڭالىقتار
ەلىمىزگە شەتەلدەن كەلەتىن تۋريستەر سانى ارتىپ كەلەدى
5 جىل بۇرىنعىمەن سالىستىرعاندا تۇمسا تابيعات اياسىنداعى ساياحاتتى تاڭدايتىندار سانى ۇلعايعان. ماسەلەن 2019 جىلى ەلدەگى 14 ۇلتتىق پارككە 698 مىڭ ادام بارسا, 2020 جىلى ولاردىڭ سانى 898 مىڭعا جەتكەن,-دەپ حابارلايدى Qandastar.kz
اراعا ءبىر جىل سالىپ كەلىشۋلەر سانى 2 ملن-عا تولدى. بىلتىر 2 ملن 400 مىڭنان استام تۋريست بارعان. ال ەندى شەتەلدەن كەلگەن مەيمانداردىڭ سانىنا ۇڭىلسەك. پاندەمياعا دەيىن قازاقستانعا 8,5 ملن تۋريست كەلگەن. 2022 جىلى 4 ملن 700 مىڭ ادام ەلدى ارالاسا, 2023 جىلى كەلۋشى سانى پاندەمياعا دەيىنگى كورسەتكىشتەن اسىپ ءتۇستى.
بيىل 10 ملن-نان استام شەتەلدىك مەيمان كەلەدى دەگەن بولجام بار. ەلىشىلىك ءتۋريزمنىڭ ستاتيستيكاسى دا جاقسارعان. 2019 جىلى 6 ملن 700 مىڭ قازاقستاندىق ەل ءىشىن ارالاسا, بىلتىر ولاردىڭ سانى 9 ملن 600 مىڭنان اسىپ جىعىلدى. بولجام بويىنشا جىل سوڭىنا دەيىن 10,5 ملن-عا جەتۋى مۇمكىن. جالپى دۇنيەجۇزىلىك ەكونوميكالىق فورۋمنىڭ ساياحات جانە تۋريزم رەيتينگىسىندە بىلتىر قازاقستان 52-ورىنعا شىعىپتى. 2021 جىلعىمەن سالىستىرعاندا ەلىمىز 66-ورىننان 14 پوزيتسياعا كوتەرىلگەن.
