Elimizge shetelden keletin týrıster sany artyp keledi

5 jyl burynǵymen salystyrǵanda tumsa tabıǵat aıasyndaǵy saıahatty tańdaıtyndar sany ulǵaıǵan. Máselen 2019 jyly eldegi 14 ulttyq parkke 698 myń adam barsa, 2020 jyly olardyń sany 898 myńǵa jetken,-dep habarlaıdy Qandastar.kz

Araǵa bir jyl salyp kelishýler sany 2 mln-ǵa toldy. Byltyr 2 mln 400 myńnan astam týrıst barǵan. Al endi shetelden kelgen meımandardyń sanyna úńilsek. Pandemııaǵa deıin Qazaqstanǵa 8,5 mln týrıst kelgen. 2022 jyly 4 mln 700 myń adam eldi aralasa, 2023 jyly kelýshi sany pandemııaǵa deıingi kórsetkishten asyp tústi.

Bıyl 10 mln-nan astam sheteldik meıman keledi degen boljam bar. Elishilik týrızmniń statıstıkasy da jaqsarǵan. 2019 jyly 6 mln 700 myń qazaqstandyq el ishin aralasa, byltyr olardyń sany 9 mln 600 myńnan asyp jyǵyldy. Boljam boıynsha jyl sońyna deıin 10,5 mln-ǵa jetýi múmkin. Jalpy Dúnıejúzilik ekonomıkalyq forýmnyń saıahat jáne týrızm reıtıngisinde byltyr Qazaqstan 52-orynǵa shyǵypty. 2021 jylǵymen salystyrǵanda elimiz 66-orynnan 14 pozıııaǵa kóterilgen.