Elnur Beısenbaev: Halyqtyń ómir súrý deńgeıin kóterý týraly sóz aıtýdyń ózi – artyq

Foto: ashyq derekkóz

Parlament Májilisiniń jalpy otyrysynda «2024 – 2026  jyldarǵa arnalǵan  respýblıkalyq bıýdjet týraly» Qazaqstan Respýblıkasynyń Zańyna ózgerister men tolyqtyrýlar engizý týraly» Qazaqstan Respýblıkasy Zańynyń jobasy qaraldy. Májilistegi «AMANAT» partııasy frakııasynyń jetekshisi Elnur Beısenbaev salyq jáne bıýdjet saıasatyn synǵa alyp, Úkimettiń jaýapkershiligi men kásibıligine kúmán keltirdi, dep jazdy qandastar.kz 

Jasyratyny joq, qazirgi tańda biz bıýdjet saıasaty boıynsha eleýli syn-qaterlermen betpe-bet kelip otyrmyz. Birinshiden, ol – bıýdjettiń teńgerimsizdigi. Bıýdjet qarajatynyń basym bóligi, ıaǵnı 92%-i mindetti shyǵystardy jabýǵa baǵyttalǵany belgili. Bul – elimizdi damytýǵa, ıaǵnı bolashaqqa salynatyn ınvestıııaǵa nebári 8-aq paıyz ǵana qalady degen sóz. Mundaı jaǵdaıda serpindi damý, halyqtyń ómir súrý deńgeıin kóterý týraly sóz aıtýdyń ózi artyq, – dedi ol.

turkystan.kz bıýdjet tapshylyǵyn jabý úshin Ulttyq qordan qarajat alý 2024 jyly eń shekti deńgeıge jetkenin aıtty. Bıyl bıýdjettiń kiris bóligi nebári 13,1 trln teńgeni qurady. Iaǵnı bıýdjetke 3 trıllıon teńge kóleminde josparlanǵan salyqtyq túsimder túspedi.

Durys josparlamaý saldarynan úsh trıllıon teńgeniń jetpeýi – salyq jáne bıýdjettik saıasattyń kúıregeni degen sóz emes pe?! Demek, Úkimet bıýdjetke naqty salyqtyq túsimmen qamtamasyz etilmegen kiristi salyp otyr. Muny biz Úkimettiń ekonomıkalyq blogynyń jetkilikti deńgeıde jaýapkershilik pen kásibılik tanyta almaýy dep esepteımiz. Prezıdenttiń qatań eskertýine qaramastan, Úkimet bıýdjet tapshylyǵyn jabý úshin Ulttyq qordan 5,6 trln teńge, buǵan qosa, «Qazatomprom» arqyly taǵy 1 trıllıon teńgeni bıýdjet esebine aldy. Munyń barlyǵy – Ulttyq qordyń qarajaty, – dedi Elnur Beısenbaev.

Sonymen, bıyl Ulttyq qordan 6,6 trıllıon, al kelesi jyly taǵy 5,3 trln teńge alynady. Bul – shamamen 24 mıllıard AQSh dollaryna para-par. Ol – jalpy Ulttyq qor kóleminiń úshten birine teń soma.

Munyń sońy qordaǵy aktıvterdiń azaıýyna ushyratady. Áriptester, bolashaq urpaqtyń nesibesine qol suǵýdy doǵarý kerek. Qazir ony elimizdiń barlyq ata-analary men balalary qadaǵalap otyr. Ulttyq qorǵa arqa súıeýdiń de shegi bar. Prezıdent aıtqandaı, «Ulttyq qor – balalarǵa!» – dedi depýtat.