جاڭالىقتار
ەلوردا: اسكەري شەرۋگە بايلانىستى ءوانداي كوشەلەر جابىلادى?
فوتو:
استانادا 7 مامىر كۇنى وتان قورعاۋشىلار كۇنىنە جانە ۇلى وتان سوعىسىنداعى جەڭىستىڭ 80 جىلدىعىنا ارنالعان شەرۋ وتەدى. وسىعان بايلانىستى, 7 مامىردا بىرقاتار كوشەگە ۋاقىتشا شەكتەۋلەر ەنگىزىلەدى, دەپ حابارلايدى qandastar.kz
بۇل تۋرالى ەلوردا اكىمدىگى مالىمدەدى.
7 مامىر, تاڭعى ساعات 6:30-دان 8:00-گە دەيىن ا-334 – اقجول داڭعىلى – ر.قوشقارباەۆ داڭعىلى – امانجولوۆ كوشەسىمەن ر.قوشقارباەۆ داڭعىلىنىڭ ج.ناجىمەدەنوۆ كوشەسىنە دەيىن امانجولوۆ كوشەسى ارقىلى جەكە قۇرام تاسىمالدانادى.
ساعات 5:00-دەن 14:00-گە دەيىن – ق.قۋانىشباەۆ اتىنداعى مۋزىكالىق-دراما تەاترىنىڭ الدىنداعى, ق.قۋانىشباەۆ كوشەسىنىڭ ا.بايتۇرسىن ۇلى كوشەسىنەن ج. ناجىمەدەنوۆ كوشەسىنە دەيىنگى تۇراق, نۇرماعانبەتوۆ كوشەسىنىڭ وڭ جاعى, اۆتوبۋس تۇراقتارى جەكە قۇرامدى تاسىمالداۋ ءۇشىن
ساعات 5:00-دەن 13:00-گە دەيىن – پانفيلوۆ كوشەسى (تاۋەلسىزدىك داڭعىلىنان نۇرماعانبەتوۆ كوشەسىنە دەيىن) جانە نۇرماعانبەتوۆ كوشەسى (پانفيلوۆ كوشەسىنەن رايىمبەك باتىر كوشەسىنە دەيىن) سالتاناتتى شەرۋدەن كەيىن تيەۋگە ارنالعان اۋىر جۇك ترالدارىنا ارنالعان تۇراق.
قوسىمشا, ساعات 5:00-دەن 13:00-گە دەيىن تاۋەلسىزدىك داڭعىلى (مومىش ۇلىنان پانفيلوۆقا دەيىن) جابىلادى, سونداي-اق اقىرتاس, قالداياقوۆ كوشەلەرىندە جانە قوشقارباەۆ داڭعىلىندا كولىك قوزعالىسى شەكتەلەدى – تەحنيكا ۋاقىتشا ورنالاستىرىلادى.
سونىمەن قاتار, ساعات 7:00-دەن 14:00-گە دەيىن «Astana Music Hall» اۆتوتۇراعىنىڭ (قۇمىرا) اۋماعىندا ب.مومىش ۇلى داڭعىلى, 1 بويىنشا ۋاقىتشا شەكتەۋلەر ەنگىزىلەدى.
كۇن اسكەريلەردىڭ ورالۋىمەن اياقتالادى:ساعات 12: 30 – دان 14: 00 — گە دەيىن, تەحنيكا مەن اۆتوبۋستار پانفيلوۆ كوشەسى — نۇرماعانبەتوۆ كوشەسى — قوشقارباەۆ داڭعىلى – اقجول داڭعىلى – ا-334 كوشەسى ارقىلى ورنالاسۋ پۋنكتىنە قايتادى.
سونىمەن قاتار, جاياۋ جۇرگىنشىلەرگە دە شەكتەۋلەر ەنگىزىلۋى مۇمكىن: كەيبىر جاياۋ جۇرگىنشىلەر وتكەلدەرى جابىلادى نەمەسە باسقا تۇسقا باعىتتالۋى مۇمكىن. قالا تۇرعىندارى مەن قوناقتارىنا بەلگىلەر بويىنشا ءجۇرۋ نەمەسە ۋاقىتشا بەلگىلەردى ۇستانۋ جونىندە كەڭەس بەرىلەدى.
اسكەري تەحنيكانىڭ قاۋىپسىز ءجۇرۋىن قامتاماسىز ەتۋ ماقساتىندا شەرۋ وتەتىن ورىندارداعى كەيبىر ۋچاسكەلەردە باعدارشام نىساندارى كونسولدەرىنىڭ جوعارعى بولىگى بۇرىلاتىن بولادى.
اتالعان ۋچاسكەلەر ارقىلى قاتىناۋ جانە جول ءجۇرۋ ءىس-شارالار اياقتالعاننان كەيىن قايتا جاندانادى. قۇقىق قورعاۋ ورگاندارى قىزمەتكەرلەرىنىڭ قاۋىپسىزدىك ەرەجەلەرى مەن نۇسقاۋلارىن ساقتاۋدى سۇرايمىز.
بۇل كۇنى (7 مامىر) كەلەسى اۆتوبۋس مارشرۋتتارىنىڭ قوزعالىس سىزباسى وزگەرەدى: №№ 3, 4, 4ا, 14, 15, 15ا, 19, 21, 29, 29ا, 30, 32, 40, 43, 47, 50, 51, 55ا, 55ب, 56, 57, 58, 61, 62, 66, 84, 121, 502, 504.
جولاۋشىلاردان ءجۇرۋ باعىتىن الدىن الا جوسپارلاۋى جانە Instagram-داعى «City Transportation Systems» رەسمي پاراقشاسى – @cts_kz ارقىلى وزەكتى اقپاراتتى قاداعالاۋدى سۇرايمىز.
