Elorda: Áskerı sherýge baılanysty óandaı kósheler jabylady?

Foto:

Astanada 7 mamyr kúni Otan qorǵaýshylar kúnine jáne Uly Otan soǵysyndaǵy Jeńistiń 80 jyldyǵyna arnalǵan sherý ótedi. Osyǵan baılanysty, 7 mamyrda birqatar kóshege ýaqytsha shekteýler engiziledi, dep habarlaıdy qandastar.kz

Bul týraly Elorda ákimdigi málimdedi.

7 mamyr, tańǵy saǵat 6:30-dan 8:00-ge deıin A-334 – Aqjol dańǵyly – R.Qoshqarbaev dańǵyly – Amanjolov kóshesimen R.Qoshqarbaev dańǵylynyń J.Nájimedenov kóshesine deıin Amanjolov kóshesi arqyly jeke quram tasymaldanady.

Saǵat 5:00-den 14:00-ge deıin – Q.Qýanyshbaev atyndaǵy mýzykalyq-drama teatrynyń aldyndaǵy, Q.Qýanyshbaev kóshesiniń A.Baıtursynuly kóshesinen J. Nájimedenov kóshesine deıingi turaq, Nurmaǵanbetov kóshesiniń oń jaǵy, avtobýs turaqtary jeke quramdy tasymaldaý úshin

Saǵat 5:00-den 13:00-ge deıin – Panfılov kóshesi (Táýelsizdik dańǵylynan Nurmaǵanbetov kóshesine deıin) jáne Nurmaǵanbetov kóshesi (Panfılov kóshesinen Raıymbek batyr kóshesine deıin) saltanatty sherýden keıin tıeýge arnalǵan aýyr júk traldaryna arnalǵan turaq.

Qosymsha, saǵat 5:00-den 13:00-ge deıin Táýelsizdik dańǵyly (Momyshulynan Panfılovqa deıin) jabylady, sondaı-aq Aqyrtas, Qaldaıaqov kóshelerinde jáne Qoshqarbaev dańǵylynda kólik qozǵalysy shekteledi – tehnıka ýaqytsha ornalastyrylady.

Sonymen qatar, saǵat 7:00-den 14:00-ge deıin «Astana Music Hall» avtoturaǵynyń (Qumyra) aýmaǵynda B.Momyshuly dańǵyly, 1 boıynsha ýaqytsha shekteýler engiziledi.

Kún áskerılerdiń oralýymen aıaqtalady:saǵat 12: 30 – dan 14: 00 — ge deıin, tehnıka men avtobýstar Panfılov kóshesi — Nurmaǵanbetov kóshesi — Qoshqarbaev dańǵyly – Aqjol dańǵyly – A-334 kóshesi arqyly ornalasý pýnktine qaıtady.

Sonymen qatar, jaıaý júrginshilerge de shekteýler engizilýi múmkin: keıbir jaıaý júrginshiler ótkelderi jabylady nemese basqa tusqa baǵyttalýy múmkin. Qala turǵyndary men qonaqtaryna belgiler boıynsha júrý nemese ýaqytsha belgilerdi ustaný jóninde keńes beriledi.

Áskerı tehnıkanyń qaýipsiz júrýin qamtamasyz etý maqsatynda sherý ótetin oryndardaǵy keıbir ýchaskelerde baǵdarsham nysandary konsolderiniń joǵarǵy bóligi burylatyn bolady.

Atalǵan ýchaskeler arqyly qatynaý jáne jol júrý is-sharalar aıaqtalǵannan keıin qaıta jandanady. Quqyq qorǵaý organdary qyzmetkerleriniń qaýipsizdik erejeleri men nusqaýlaryn saqtaýdy suraımyz.

Bul kúni (7 mamyr) kelesi avtobýs marshrýttarynyń qozǵalys syzbasy ózgeredi: №№ 3, 4, 4A, 14, 15, 15A, 19, 21, 29, 29A, 30, 32, 40, 43, 47, 50, 51, 55A, 55B, 56, 57, 58, 61, 62, 66, 84, 121, 502, 504.

Jolaýshylardan júrý baǵytyn aldyn ala josparlaýy jáne Instagram-daǵy «City Transportation Systems» resmı paraqshasy – @cts_kz arqyly ózekti aqparatty qadaǵalaýdy suraımyz.