الەۋمەت جانە قوعامجاڭالىقتار
ەلوردا تۇرعىندارى كولىكتەرىن اۆتوتۇراقتارعا قاشان تەگىن قويا الادى?
فوتو: ءماجىلىس
بۇگىن ءماجىلىس قابىرعاسىندا وسىنداي ماسەلە كوتەرىلدى. 2018 جىلى ەلوردا اكىمدىگى قالادا اقىلى اۆتوتۇراقتار قۇرىپ, ونى جەكەمەنشىك كومپانياعا بەرۋ تۋرالى شەشىم قابىلداعان, دەپ جازدى qandastar.kz
دەپۋتات نارتاي سارسەنعاليەۆتىڭ ايتۋىنشا, 2021-2024 جىلدارى استانالىقتار مۇنداي تۇراقتارعا 726 ملن تەڭگە تولەگەن, سونىڭ 617 ملن تەڭگەسى جەكەنىڭ قالتاسىنا تۇسكەن. مۇنداي نىساندار الداعى ۋاقىتتا اكىمدىك قاراماعىنا وتەدى. دەپۋتات سول ۋاقىتتا قوعامدىق ورىنداردا كولىكتى تەگىن قويۋعا بولا ما دەپ ناقتىلادى.
atamekenbusiness_qaz حابارلاعانداي, استانا قالاسى اكىمىنىڭ ورىنباسارى ەرسىن وتەباەۆتىڭ سوزىنشە, الەۋمەتتىك نىسانداردىڭ جانىنداعى تۇراقتاردى تەگىن پايدالانۋعا بولادى. اكىمدىك باسقا ورىندارعا بايلانىستى ۇسىنىستاردى قاراستىراتىنىن مالىمدەدى.
«الەۋمەتتىك نىسانداردىڭ قاسىنداعى تۇراقتار تەگىن. قازىر ءبىز كوپ ۇسىنىستاردى قاراپ وتىرمىز. باسقا دا باعىتتارداعى ارنايى نىسانداردىڭ تەگىن بولۋى تۋرالى ماسەلەنى ءوزىمىز قاراستىرامىز», — دەدى ەرسىن وتەباەۆ.
