Elorda turǵyndary kólikterin avtoturaqtarǵa qashan tegin qoıa alady?

Foto: Májilis

Búgin Májilis qabyrǵasynda osyndaı másele kóterildi. 2018 jyly elorda ákimdigi qalada aqyly avtoturaqtar quryp, ony jekemenshik kompanııaǵa berý týraly sheshim qabyldaǵan, dep jazdy qandastar.kz

Depýtat Nartaı Sársenǵalıevtiń aıtýynsha, 2021-2024 jyldary astanalyqtar mundaı turaqtarǵa 726 mln teńge tólegen, sonyń 617 mln teńgesi jekeniń qaltasyna túsken. Mundaı nysandar aldaǵy ýaqytta ákimdik qaramaǵyna ótedi. Depýtat sol ýaqytta qoǵamdyq oryndarda kólikti tegin qoıýǵa bola ma dep naqtylady.

atamekenbusiness_qaz habarlaǵandaı, Astana qalasy ákiminiń orynbasary Ersin О́tebaevtyń sózinshe, áleýmettik nysandardyń janyndaǵy turaqtardy tegin paıdalanýǵa bolady. Ákimdik basqa oryndarǵa baılanysty usynystardy qarastyratynyn málimdedi.