ەلوردادا 53 شاقىرىم جول جوندەلەدى

ەلوردالىق جۇرگىزۋشىلەردىڭ قالاداعى جول ساپاسىنا كوڭىلى تولمايدى.

باس شاھارداعى ورتالىق كوشەلەردە شۇرىق-تەسىكتەر كوبەيدى. ولاردى بىتەگەنىمەن, جىلدا كوكتەم كەلە ويىقتار قايتا پايدا بولادى. وسىعان بايلانىستى كولىگىمىزدى جوندەۋدەن كوز اشپايمىز, – دەيدى استانالىقتار. ال جاۋاپتى مەكەمە وكىلدەرى نە دەيدى? بۇگىندە نۇرجول جەلەك جولىنىڭ بويىن كولىكپەن ءوتۋ جۇرگىزۋشىلەرگە ۇلكەن سىناق.

اسىرەسە كەشكى ۋاقىتتاعى قاربالاس ساتتە بۇل جەر كەپتەلىسكە تولادى. جولدىڭ ساپاسى سىن كوتەرمەيدى, – دەيدى تۇرعىندار. ساۋالناما: — كولىگىمىزدى رەمونتقا كىرگىزەمىز. وڭاي شارۋا ەمەس بۇل دەگەن نەگىزى. وسى جولدى ىستەسە جاقسى بولار ەدى. — جولدىڭ جاعدايى وتە ناشار. جىل سايىن جوندەيمىن. قازىر مىنا جەردەگى شۇرىق-تەسىكتەردى الساڭىز, كورىنىپ تۇر. ويىق-ويىق. كوكتەمدە بىتەيدى, قىستان كەيىن سول جەردەن ويىق قايتىپ شىعادى. — تولىق ىستەلىنبەيدى. جىل سايىن جامايدى.

مىنا جەردە تەسىكتەر ۇلكەن. وسى بۋلۆاردىڭ بويى مەن سارايشىقتى ىستەۋ كەرەك. — قالانىڭ سول جاعالاۋىنداعى كەيبىر جەرلەردە جاياۋ جۇرگىنشىلەرگە ارنالعان جولدىڭ ساپاسى دا كوڭىل كونشىتپەيدى. بالالارعا ارنالعان اربامەن ءجۇرۋ قيىن, دوڭگەلەكتەرى تىرەلىپ قالا بەرەدى. — استاناعا ءۇندىستاننان ءبىلىم قۋىپ كەلدىم. بۇل قالاداعى جولداردىڭ ساپاسى نيۋ-دەليمەن بىردەي. ياعني, «قاناعاتتانارلىق» دەگەن باعا بەرەر ەدىم. قالالىق اكىمدىكتەگىلەر جول جوندەۋ جۇمىستارىنىڭ باستالىپ كەتكەنىن ايتادى. بيىل استانانىڭ 50 كوشەسى رەتكە كەلتىرىلەدى. ولاردىڭ ىشىندە تۇران, قابانباي باتىر, قوناەۆ جانە سەيفۋللين كوشەلەرى بار. بىلتىر جانە الدىڭعى جىلى اسفالت توسەگەن مەردىگەرلەر بيىل انىقتالعان ولقىلىقتاردىڭ ورنىن ءوز قاراجاتى ەسەبىنەن تولتىرماق.

ويتكەنى كەپىلدىك مەرزىمى – 3 جىل. سەرىكبولسىن جالعاسوۆ, قالالىق كولىك باسقارماسىنىڭ باس مامانى: — اۋا تەمپەراتۋراسىنىڭ كۇرت وزگەرۋى دە جول ساپاسىنا كەرى اسەرىن تيگىزەدى. كۇندىز ىستىق, تۇندە سۋىق. تاعى قالانىڭ ىشكى جولىمەن جۇرەتىن جۇك كولىكتەرىنىڭ دە تەرىس سەپتىگى بار. ەلوردادا قۇرىلىس جۇمىستارى ءجيى جۇرگىزىلەتىندىكتەن, 40 توننالىق تسەمەنت تاسىعىشتاردان كەيىن جول قاباتىندا تولقىن ءتارىزدى يرەك ءىز قالادى.    ساراپشىلاردىڭ ايتۋىنشا, كوپ مەردىگەر مەكەمەدە اسفالت ساپاسىن تەكسەرەتىن ارنايى زەرتحانا جوق. سايكەسىنشە نارىقتا ولاردىڭ قىزمەت كورسەتۋ قۇنى الدەقايدا تومەن. ال مەملەكەتتىك ساتىپ الۋ كەزىندە, بىرىنشىدەن, قولجەتىمدى باعا ەسكەرىلەتىنى بەلگىلى. قۇرىلىس ماتەريالدارىنىڭ ساپاسىنا دا قاراپ جاتقاندار از. مۇحتار ايساۋىتوۆ, قر ەڭبەك سىڭىرگەن قۇرىلىسشىسى: — ەلدە بىلىكتى مامان از. جول بىلاي تۇرسىن, قاراپايىم كوپىر سالاتىن ورتاڭقول قۇرىلىسشىلار قالماي بارادى. بۇرىن ءار وبلىستا اسفالت ساپاسىن تەكسەرەتىن زەرتحانالار بولاتىن.

قازىر ولار اتىمەن جوق. باس شاھاردىڭ 53 شاقىرىم جولىنا بيىل ورتاشا جوندەۋ جۇمىستارى جۇرگىزىلەدى. ول ءۇشىن جەرگىلىكتى بيۋدجەتتەن 15 ملرد تگ ءبولىنىپتى. وتكەن جىلمەن سالىستىرعاندا بۇل 3 ملرد تەڭگەگە ارتىق.