ELORDADA 53 ShAQYRYM JOL JО́NDELEDI

Elordalyq júrgizýshilerdiń qaladaǵy jol sapasyna kóńili tolmaıdy.

Bas shahardaǵy ortalyq kóshelerde shuryq-tesikter kóbeıdi. Olardy bitegenimen, jylda kóktem kele oıyqtar qaıta paıda bolady. Osyǵan baılanysty kóligimizdi jóndeýden kóz ashpaımyz, – deıdi astanalyqtar. Al jaýapty mekeme ókilderi ne deıdi? Búginde Nurjol jelek jolynyń boıyn kólikpen ótý júrgizýshilerge úlken synaq.

Ásirese keshki ýaqyttaǵy qarbalas sátte bul jer kepteliske tolady. Joldyń sapasy syn kótermeıdi, – deıdi turǵyndar. Saýalnama: — Kóligimizdi remontqa kirgizemiz. Ońaı sharýa emes bul degen negizi. Osy joldy istese jaqsy bolar edi. — Joldyń jaǵdaıy óte nashar. Jyl saıyn jóndeımin. Qazir myna jerdegi shuryq-tesikterdi alsańyz, kórinip tur. Oıyq-oıyq. Kóktemde biteıdi, qystan keıin sol jerden oıyq qaıtyp shyǵady. — Tolyq istelinbeıdi. Jyl saıyn jamaıdy.

Myna jerde tesikter úlken. Osy býlvardyń boıy men Saraıshyqty isteý kerek. — Qalanyń sol jaǵalaýyndaǵy keıbir jerlerde jaıaý júrginshilerge arnalǵan joldyń sapasy da kóńil kónshitpeıdi. Balalarǵa arnalǵan arbamen júrý qıyn, dóńgelekteri tirelip qala beredi. — Astanaǵa Úndistannan bilim qýyp keldim. Bul qaladaǵy joldardyń sapasy Nıý-Delımen birdeı. Iaǵnı, «qanaǵattanarlyq» degen baǵa berer edim. Qalalyq ákimdiktegiler jol jóndeý jumystarynyń bastalyp ketkenin aıtady. Bıyl Astananyń 50 kóshesi retke keltiriledi. Olardyń ishinde Turan, Qabanbaı batyr, Qonaev jáne Seıfýllın kósheleri bar. Byltyr jáne aldyńǵy jyly asfalt tósegen merdigerler bıyl anyqtalǵan olqylyqtardyń ornyn óz qarajaty esebinen toltyrmaq.

О́ıtkeni kepildik merzimi – 3 jyl. Serikbolsyn Jalǵasov, qalalyq kólik basqarmasynyń bas mamany: — Aýa temperatýrasynyń kúrt ózgerýi de jol sapasyna keri áserin tıgizedi. Kúndiz ystyq, túnde sýyq. Taǵy qalanyń ishki jolymen júretin júk kólikteriniń de teris septigi bar. Elordada qurylys jumystary jıi júrgiziletindikten, 40 tonnalyq ement tasyǵyshtardan keıin jol qabatynda tolqyn tárizdi ırek iz qalady.    Sarapshylardyń aıtýynsha, kóp merdiger mekemede asfalt sapasyn tekseretin arnaıy zerthana joq. Sáıkesinshe naryqta olardyń qyzmet kórsetý quny áldeqaıda tómen. Al memlekettik satyp alý kezinde, birinshiden, qoljetimdi baǵa eskeriletini belgili. Qurylys materıaldarynyń sapasyna da qarap jatqandar az. Muhtar Aısaýytov, QR Eńbek sińirgen qurylysshysy: — Elde bilikti maman az. Jol bylaı tursyn, qarapaıym kópir salatyn ortańqol qurylysshylar qalmaı barady. Buryn ár oblysta asfalt sapasyn tekseretin zerthanalar bolatyn.

Qazir olar atymen joq. Bas shahardyń 53 shaqyrym jolyna bıyl ortasha jóndeý jumystary júrgiziledi. Ol úshin jergilikti bıýdjetten 15 mlrd tg bólinipti. О́tken jylmen salystyrǵanda bul 3 mlrd teńgege artyq.