جاڭالىقتار
ەلوردادا اۋا رايىنا بايلانىستى ەسكەرتۋ جاريالاندى
فوتو: اشىق دەرەككوز
ەلوردادا كوممۋنالدىق قىزمەتتەر كۇشەيتىلگەن رەجيمدە جۇمىس ىستەپ جاتىر, دەپ حابارلايدى qandastar.kz ەلوردا اكىمدىگىنىڭ رەسمي سايتىنا سۇيەنىپ.
7 قاراشا كۇنى تاڭەرتەڭ قالا كوشەلەرىن قاردان تازارتۋعا 2000-نان استام جول جۇمىسشىسى مەن 750-گە جۋىق ارنايى تەحنيكا شىقتى.
ءبىرىنشى كەزەكتە ورتالىق كوشەلەردە, جولاۋشىلار كولىگى مارشرۋتتارىندا, ايالدامالار مەن تروتۋارلاردا تازالاۋ جۇمىستارى جۇرگىزىلۋدە.
قالادا بىرنەشە جابدىقتالعان قار پوليگوندارى بار. وندا ساموسۆال تەحنيكاسىنىڭ نومىرلىك بەلگىلەرىن وقۋ جۇيەسىمەن جابدىقتالعان, بەينەباقىلاۋ كامەرالارى ورناتىلعان, جارىقتاندىرۋ قوسىلعان.
«قازگيدرومەت» رمك مالىمەتىنشە, 7 قاراشادا استانادا قار, كوكتايعاق جانە بوران بولادى. سينوپتيكتەر وڭتۇستىك-باتىستان 23-28 م/س, كەيدە 30 م/س دەيىن جەل سوعادى دەپ بولجاپ وتىر.
ەلوردا تۇرعىندارى مەن قوناقتارىنان جولداردا اباي بولۋدى, قاۋىپسىزدىك ەرەجەلەرىن ساقتاۋدى, داۋىلدى ەسكەرتۋ بولعان جاعدايدا الىس ساپارلاردان باس تارتۋدى سۇرايدى.
توتەنشە جاعداي تۋىنداعان كەزدە «112» تەلەفون نومىرىنە حابارلاسىڭىز.
