Elordada aýa raıyna baılanysty eskertý jarııalandy

Foto: ashyq derekkóz

Elordada kommýnaldyq qyzmetter kúsheıtilgen rejımde jumys istep jatyr,  dep habarlaıdy qandastar.kz  elorda ákimdiginiń resmı saıtyna súıenip. 

7 qarasha kúni tańerteń qala kóshelerin qardan tazartýǵa 2000-nan astam jol jumysshysy men 750-ge jýyq arnaıy tehnıka shyqty.

Birinshi kezekte ortalyq kóshelerde, jolaýshylar kóligi marshrýttarynda, aıaldamalar men trotýarlarda tazalaý jumystary júrgizilýde.

Qalada birneshe jabdyqtalǵan qar polıgondary bar. Onda samosval tehnıkasynyń nómirlik belgilerin oqý júıesimen jabdyqtalǵan, beınebaqylaý kameralary ornatylǵan, jaryqtandyrý qosylǵan.

«Qazgıdromet» RMK málimetinshe, 7 qarashada Astanada qar, kóktaıǵaq jáne boran bolady. Sınoptıkter ońtústik-batystan 23-28 m/s, keıde 30 m/s deıin jel soǵady dep boljap otyr.

Elorda turǵyndary men qonaqtarynan joldarda abaı bolýdy, qaýipsizdik erejelerin saqtaýdy, daýyldy eskertý bolǵan jaǵdaıda alys saparlardan bas tartýdy suraıdy.

Tótenshe jaǵdaı týyndaǵan kezde «112» telefon nómirine habarlasyńyz.