ەلوردادا بالالارعا ارنالعان ەتنولاگەر اشىلدى

مۇندا 1 جانە 8-سىنىپ وقۋشىلارىنا ۇلتتىق قۇندىلىقتار دارىپتەلەدى. قىزدار ۇرشىق ءيىرىپ, ءجۇن ءتۇتىپ, كيىز باسۋدى, ۇلدار ارقان تارتىپ, اسىق اتۋدى ۇيرەنەدى.     جازعى لاگەرگە قۇلشىنىس تانىتىپ وتىرعانداردىڭ ءبىرى – ءاليحان قاسكەنوۆ.

ول بيىل 3-سىنىپتى ءبىتىردى. ءاليحان: «ۇلتتىق قۇندىلىقتاردى تولىق تانىپ بىلۋگە ەتنولاگەردىڭ پايداسى زور», – دەيدى. ءاليحان قاسكەنوۆ, لاگەرگە قاتىسۋشى: – ويتكەنى كەيبىر بالالار ۇيىندە وتىرىپ, تەلەفون كورىپ وتىرا بەرەدى. دالادا وينامايدى, قىدىرمايدى جانە دە ساباق وقىمايدى. ال لاگەرگە كەلگەن كەزدە ءبىز دوستارمەن كورىسەمىز.

دالادا وينايمىز, ءتۇرلى تاپسىرمالار ورىندايمىز. سايىستارعا قاتىسامىز. ايتا كەتەيىك, ءدال وسىنداي ەتنولاگەرلەر سانى ەلىمىزدە ساۋساقپەن سانارلىق. مەكتەپ ۇجىمى باستاماسىنىڭ باستى ماقساتى – قالا جاستارىن ءتول مادەنيەتىمىزبەن تەرەڭ تانىستىرۋ, بويىنا ءسىڭىرۋ. سەبەبى قالادا تۇراتىن بۇل جەتكىنشەكتەردىڭ بارلىعىندا دەرلىك اۋىلعا بارۋعا, اۋىل ومىرىمەن تانىسۋعا مۇمكىندىك بولا بەرمەيدى. جانات ايتوۆا, №88 مەكتەپ ليتسەيىنىڭ ديرەكتورى: – بالالار مىنا جەردە ءجۇن ءتۇتىپ, ءجۇن ساباۋدىڭ, اسىق ويناۋدى ۇيرەنەدى.

قازاقتىڭ سالت-داستۇرلەرىن, قازاقتىڭ نەگىزگى ۇلتتىق ويىندارىنا كوبىرەك كوڭىل ءبولۋ – ءبىزدىڭ ماقساتىمىز. ارقان تارتۋ, قازاقشا كۇرەس, ۇلتتىق باعىتتا ۇلكەن شارالار وتكىزەدى. ۇلداناي بولىسحانقىزى, تالىمگەر: – جازعى ەتنولاگەردە بالالارىمىزعا اتا-بابادان كەلە جاتقان كاسىپتىڭ ءبارىن ۇيرەتۋ. مالدىڭ جۇنىنەن قالاي تەكەمەت جاسالدى. قالاي كيىم جاسالادى. ءجۇندى ءيىرىپ ۇرشىقپەن, قالاي كيىمدەر توقىلدى. شي قالاي توقىلادى. سونىڭ ءبارىن ۇيرەتەمىز دەپ الدىمىزعا جوسپارلاپ, وسى اجەلەر القاسى ماقسات قويىپ وتىرمىز.

ءۇش اۋىسىمدى لاگەر ايىنا 500 بالادان, جاز بويىنا 1500 بالانى قامتي الادى. لاگەردىڭ ەرەكشەلىگى, بالالارعا ۇلت ونەرىن ناسيحاتتاۋ ءۇشىن ارنايى تالىمگەرلەر بەكىتىلگەن. سونداي-اق ۇلتتىق ويىندار ويناتىلىپ, قازاقى قۇندىلىقتار دارىپتەلەدى.