Elordada balalarǵa arnalǵan etnolager ashyldy

Munda 1 jáne 8-synyp oqýshylaryna ulttyq qundylyqtar dáripteledi. Qyzdar urshyq ıirip, jún tútip, kıiz basýdy, uldar arqan tartyp, asyq atýdy úırenedi.     Jazǵy lagerge qulshynys tanytyp otyrǵandardyń biri – Álıhan Qaskenov.

Ol bıyl 3-synypty bitirdi. Álıhan: «ulttyq qundylyqtardy tolyq tanyp bilýge etnolagerdiń paıdasy zor», – deıdi. Álıhan Qaskenov, lagerge qatysýshy: – О́ıtkeni keıbir balalar úıinde otyryp, telefon kórip otyra beredi. Dalada oınamaıdy, qydyrmaıdy jáne de sabaq oqymaıdy. Al lagerge kelgen kezde biz dostarmen kórisemiz.

Dalada oınaımyz, túrli tapsyrmalar oryndaımyz. Saıystarǵa qatysamyz. Aıta keteıik, dál osyndaı etnolagerler sany elimizde saýsaqpen sanarlyq. Mektep ujymy bastamasynyń basty maqsaty – qala jastaryn tól mádenıetimizben tereń tanystyrý, boıyna sińirý. Sebebi qalada turatyn bul jetkinshekterdiń barlyǵynda derlik aýylǵa barýǵa, aýyl ómirimen tanysýǵa múmkindik bola bermeıdi. Janat Aıtova, №88 mektep lıeıiniń dırektory: – Balalar myna jerde jún tútip, jún sabaýdyń, asyq oınaýdy úırenedi.

Qazaqtyń salt-dástúrlerin, qazaqtyń negizgi ulttyq oıyndaryna kóbirek kóńil bólý – bizdiń maqsatymyz. Arqan tartý, qazaqsha kúres, ulttyq baǵytta úlken sharalar ótkizedi. Uldanaı Bolyshanqyzy, tálimger: – Jazǵy etnolagerde balalarymyzǵa ata-babadan kele jatqan kásiptiń bárin úıretý. Maldyń júninen qalaı tekemet jasaldy. Qalaı kıim jasalady. Júndi ıirip urshyqpen, qalaı kıimder toqyldy. Shı qalaı toqylady. Sonyń bárin úıretemiz dep aldymyzǵa josparlap, osy ájeler alqasy maqsat qoıyp otyrmyz.

Úsh aýysymdy lager aıyna 500 baladan, jaz boıyna 1500 balany qamtı alady. Lagerdiń ereksheligi, balalarǵa ult ónerin nasıhattaý úshin arnaıy tálimgerler bekitilgen. Sondaı-aq ulttyq oıyndar oınatylyp, qazaqy qundylyqtar dáripteledi.