قارجى جانە تولەمدەر
استانادا بيزنەس ءۇشىن ەلەكتر ەنەرگياسىنا تاريف تومەندەپ جاتىر
فوتو: اشىق دەرەككوز
«استاناەنەرگوسبىت» جشس-نىڭ استانا قالاسىنىڭ تۇتىنۋشىلارى ءۇشىن ەلەكتر ەنەرگياسىن وتكىزۋ جونىندەگى قوعامدىق ماڭىزى بار نارىقتىڭ رەتتەلەتىن سۋبەكتىسى بولىپ تابىلادى. رەتتەۋ تۇتىنۋشىلاردىڭ ءاربىر ساناتى (جەكە تۇلعالار, زاڭدى تۇلعالار, بيۋدجەتتىك ۇيىمدار) ءۇشىن شەكتى تاريفتەردى بەلگىلەۋ جانە تاريفتەردى سارالاۋ ارقىلى جۇزەگە اسىرىلادى, دەپ جازادى qandastar.kz
«استاناەنەرگوسبىت» جشس قر ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتىنىڭ استانا قالاسى بويىنشا دەپارتامەنتىنە ەلەكتر ەنەرگياسىن بولشەك ساۋدادا وتكىزۋ جونىندەگى قىزمەتتەردىڭ باعاسىن ققس-سىز كۆتساع ءۇشىن 25,98 تەڭگەگە دەيىن تومەندەتۋ تۋرالى حابارلاما بەردى. اتاپ ايتقاندا, زاڭدى تۇلعالار ءۇشىن تاريف ققس-سىز كۆتساع ءۇشىن 27,67 تەڭگەنى قۇرايدى, بۇل 12% – عا تومەندەۋگە سايكەس كەلەدى, ال بيۋدجەتتىك ۇيىمدار ءۇشىن ققس-سىز كۆتساع ءۇشىن 53,06 تەڭگە, بۇل 28% – عا تومەندەۋدى قۇرايدى. تومەندەتىلگەن تاريفتەر 2024 جىلدىڭ 1 قاراشاسىنان باستاپ كۇشىنە ەنەدى.
ءتاريفتى تومەندەتۋ ءۇشىن تۇتىنۋشىلاردىڭ (قالانىڭ زاڭدى تۇلعالارى مەن بيۋدجەتتىك ۇيىمدارىنىڭ) رەتتەلمەيتىن ەنەرگيامەن جابدىقتاۋشى ۇيىمداردان ەلەكتر ەنەرگياسىنىڭ كەپىلدىك بەرەتىن جەتكىزۋشىسى — «استاناەنەرگوسبىت» جشس-نە اۋىسۋى نەگىز بولدى. بۇل كەپىلدىك بەرۋشى جەتكىزۋشىنىڭ كورسەتىلەتىن قىزمەتتەر كولەمىنىڭ ۇلعايۋىنا اسەر ەتتى, بۇل ءوز كەزەگىندە ءتاريفتىڭ تومەندەۋىنە ىقپال ەتتى.
ەستەرىڭىزگە سالا كەتەيىك, وسى جىلدىڭ ماۋسىم ايىندا ەلوردادا زاڭدى تۇلعالار ءۇشىن تاريف 18% – عا تومەندەتىلدى, قازىرگى ۋاقىتتا ءتاريفتىڭ جالپى تومەندەۋى 30% – قۇرايدى.
وسىلاي, 2024 جىلعى 1 قاراشادان باستاپ بيزنەس ءۇشىن تاريف ققس-سىز كۆتساع ءۇشىن 27,67 تەڭگەنى قۇرايدى.
سونداي-اق, ەنەرگيا ءوندىرۋشى ۇيىمداردىڭ شەكتى تاريفتەرىن قر ەنەرگەتيكا مينيسترلىگى بەكىتەتىنىن اتاپ وتكەن ءجون. قر ۇلتتىق ەكونوميكا ءمينيسترىنىڭ بۇيرىعىمەن كەپىلدىك بەرۋشى جەتكىزۋشىلەر بولىپ تابىلاتىن ەلەكتر ەنەرگياسىنىڭ كوتەرمە ساۋدا نارىعى سۋبەكتىلەرى اراسىندا اتاۋلى قولداۋ الۋشىلاردىڭ ءتىزىمى بەكىتىلدى.
«استاناەنەرگوسبىت» جشس اتاۋلى قولداۋ الاتىن ەلەكتر ەنەرگياسىنىڭ كەپىلدىك بەرۋشى جەتكىزۋشىسى بولىپ تابىلادى, ول ءۇشىن بىرىڭعاي جەتكىزۋشىدەن ەلەكتر ەنەرگياسىن ساتىپ الۋعا جەكە باعالار قولدانىلادى.
وسىلايشا, جىل سوڭىنا دەيىن ەلوردادا جەكە تۇلعالار (حالىق) ءۇشىن ەلەكتر ەنەرگياسىنا ءتاريفتىڭ ءوسۋى كۇتىلمەيدى.
