Astanada bıznes úshin elektr energııasyna tarıf tómendep jatyr

Foto: ashyq derekkóz

«Astanaenergosbyt» JShS-nyń Astana qalasynyń tutynýshylary úshin elektr energııasyn ótkizý jónindegi qoǵamdyq mańyzy bar naryqtyń retteletin sýbektisi bolyp tabylady. Retteý tutynýshylardyń árbir sanaty (jeke tulǵalar, zańdy tulǵalar, bıýdjettik uıymdar) úshin shekti tarıfterdi belgileý jáne tarıfterdi saralaý arqyly júzege asyrylady, dep jazady qandastar.kz

«Astanaenergosbyt» JShS QR Ulttyq ekonomıka mınıstrliginiń Tabıǵı monopolııalardy retteý komıtetiniń Astana qalasy boıynsha departamentine elektr energııasyn bólshek saýdada ótkizý jónindegi qyzmetterdiń baǵasyn QQS-syz kVtsaǵ úshin 25,98 teńgege deıin tómendetý týraly habarlama berdi. Atap aıtqanda, zańdy tulǵalar úshin tarıf QQS-syz kVtsaǵ úshin 27,67 teńgeni quraıdy, bul 12% – ǵa tómendeýge sáıkes keledi, al bıýdjettik uıymdar úshin QQS-syz kVtsaǵ úshin 53,06 teńge, bul 28% – ǵa tómendeýdi quraıdy. Tómendetilgen tarıfter 2024 jyldyń 1 qarashasynan bastap kúshine enedi.

Tarıfti tómendetý úshin tutynýshylardyń (qalanyń zańdy tulǵalary men bıýdjettik uıymdarynyń) rettelmeıtin energııamen jabdyqtaýshy uıymdardan elektr energııasynyń kepildik beretin jetkizýshisi — «Astanaenergosbyt» JShS-ne aýysýy negiz boldy. Bul kepildik berýshi jetkizýshiniń kórsetiletin qyzmetter kóleminiń ulǵaıýyna áser etti, bul óz kezeginde tarıftiń tómendeýine yqpal etti.

Esterińizge sala keteıik, osy jyldyń maýsym aıynda elordada zańdy tulǵalar úshin tarıf 18% – ǵa tómendetildi, qazirgi ýaqytta tarıftiń jalpy tómendeýi 30% – quraıdy.

Osylaı, 2024 jylǵy 1 qarashadan bastap bıznes úshin tarıf QQS-syz kVtsaǵ úshin 27,67 teńgeni quraıdy.

Sondaı-aq, energııa óndirýshi uıymdardyń shekti tarıfterin QR Energetıka mınıstrligi bekitetinin atap ótken jón. QR Ulttyq ekonomıka mınıstriniń buıryǵymen kepildik berýshi jetkizýshiler bolyp tabylatyn elektr energııasynyń kóterme saýda naryǵy sýbektileri arasynda ataýly qoldaý alýshylardyń tizimi bekitildi.

«Astanaenergosbyt» JShS ataýly qoldaý alatyn elektr energııasynyń kepildik berýshi jetkizýshisi bolyp tabylady, ol úshin biryńǵaı jetkizýshiden elektr energııasyn satyp alýǵa jeke baǵalar qoldanylady.

Osylaısha, jyl sońyna deıin elordada jeke tulǵalar (halyq) úshin elektr energııasyna tarıftiń ósýi kútilmeıdi.