جاڭالىقتار
ەلوردادا كەنەسارى حاننىڭ ەسكەرتكىشى قايتا ورناتىلدى
استانادا كەنەسارى حاننىڭ ەسكەرتكىشى جوندەۋ جۇمىستارىنان ءوتىپ, قايتا ورناتىلدى, دەپ حابارلايدى qandastar.kz
بۇل تۋرالى قازاقستان رەسپۋبليكاسىنىڭ مەملەكەتتىك كەڭەسشىسى قارين ەرلان تىنىمباي ۇلى ءوزىنىڭ الەۋمەتتىك جەلىدەگى پاراقشاسىندا ءمالىم ەتتى.
ونىڭ ايتۋىنشا, ەلوردامىزدىڭ وڭ جاعالاۋى ەسىل جاعاسىندا ورناتىلعان كەنەسارى حاننىڭ ەسكەرتكىشىنە قاتىستى بىرقاتار الىپ-قاشپا اڭگىمەلەر تاراعان.
«وتكەن جىلى جوندەۋ جۇمىستارىنا بايلانىستى كەنەسارى حاننىڭ ەسكەرتكىشى الىنىپ تاستالعان كەزدە, الەۋمەتتىك جەلىدە ءبىراز اڭگىمە بولعان. قايتا-قايتا تۇسىنىكتەمە بەرگەنىمە قاراماستان راستالماعان اقپارات تاراتقان بولاتىن. شىن مانىندە ەسكەرتكىشكە جوندەۋ جۇمىستارى قاجەت بولدى. ەندى كەرىسىنشە, بۇرىنعىمەن سالىستىرعاندا بيىكتىگى دە ۇزارتىلاتىن بولدى. بۇگىن مىنە جوندەۋ جۇمىستارى اياقتالىپ, ەسكەرتكىش ورنىنا قويىلدى», — دەدى ەرلان قارين.
