Elordada Kenesary hannyń eskertkishi qaıta ornatyldy

Astanada Kenesary hannyń eskertkishi jóndeý jumystarynan ótip, qaıta ornatyldy, dep habarlaıdy qandastar.kz

Bul týraly Qazaqstan Respýblıkasynyń Memlekettik keńesshisi Qarın Erlan Tynymbaıuly óziniń áleýmettik jelidegi paraqshasynda málim etti.

Onyń aıtýynsha, elordamyzdyń oń jaǵalaýy Esil jaǵasynda ornatylǵan Kenesary hannyń eskertkishine qatysty birqatar alyp-qashpa áńgimeler taraǵan.

«О́tken jyly jóndeý jumystaryna baılanysty Kenesary hannyń eskertkishi alynyp tastalǵan kezde, áleýmettik jelide biraz áńgime bolǵan. Qaıta-qaıta túsinikteme bergenime qaramastan rastalmaǵan aqparat taratqan bolatyn. Shyn máninde eskertkishke jóndeý jumystary qajet boldy. Endi kerisinshe, burynǵymen salystyrǵanda bıiktigi de uzartylatyn boldy. Búgin mine jóndeý jumystary aıaqtalyp, eskertkish ornyna qoıyldy», — dedi Erlan Qarın.