ەلوردادا مىڭنان استام اۆتوبۋس جۇرگىزۋشىسى جەتىسپەيدى

ەلورداداعى اۆتوبۋس پاركتەرىندە مىڭنان استام جۇرگىزۋشى جەتىسپەيدى. ال قالا حالقى جىلدان جىلعا كوبەيىپ, قوعامدىق كولىك قاجەتتىلىگى ارتىپ بارادى. جۇرگىزۋشىلەردىڭ جالاقىسى قازىر قوسىمشا تولەمدەردى ەسەپتەگەندە 800 مىڭ تەڭگەگە دەيىن جەتكەن.

سونىڭ وزىندە اۆتوبۋس باسقارۋ كۋالىگى بارلاردىڭ كوبى مۇنداي جۇمىسقا ورنالاسۋعا ق ۇلىقسىز. سەبەبى نەدە? قىزىل جاناتىن بولسا, مىنا كنوپكانى باساسىز. ال جاسىل بولسا, جاسىلدى باساسىز. بۇل جەردە تەز ىستەۋ كەرەك. بۇل اۆتوبۋس جۇرگىزۋشىلەرىنىڭ تەز شەشىم قابىلداۋ قابىلەتىن تەكسەرۋ ءۇردىسى. ءار مامان ءۇش جىل سايىن وسى جانە وزگە دە سىناقتار تاپسىرادى.

حاكىم امانباەۆ قوعامدىق كولىك تىزگىندەگەلى 25 جىل بولعان. تالدىقورعان, الماتى قالالارىندا ەڭبەك ەتكەن ول ەندى استاناعا اۋىسىپ كەلگەن. ايتۋىنشا, بۇل قىزمەت ەپتىلىك پەن ءتوزىمدى تالاپ ەتەدى.  حاكىم امانباەۆ, اۆتوبۋس جۇرگىزۋشىسى: — تاسىمال وتە اۋىر جۇمىس قوي. جاۋاپكەرشىلىك كوپ قوي, ەلدىڭ ءبارىن امان-ەسەن جەتكىزۋ, جول ءتارتىبىن بۇزباۋ, ۋاقىتىندا ءجۇرۋ. جالاقى 600-700-ءدىڭ جوعارى جاعىندا.

جاستاردىڭ كوبى قازىر تاكسي قىزمەتىنە كەتىپ جاتىر عوي, جەڭىل جۇمىسقا. اۆتوبۋس اۋىر عوي. مامانداردىڭ ايتۋىنشا, ەلورداداعى اۆتوبۋس جۇرگىزۋشىلەرىنىڭ ورتاشا جاسى 45 شاماسىندا.  دانا كۇلماحانوۆا, وقىتۋشى: — اۆاريا بولعان جاعدايدا نەمەسە قولايسىز جاعداي بولعاندا ولاردىڭ رەاكتسياسى تەز كورسەتۋ كەرەك. سوندىقتان وسى جەردە تەكسەرىپ الامىز. جاستاردىڭ رەاكتسيا جىلدامدىعى جاقسى بوپ شىعادى.

ال جاسى ۇلكەن بولسا, ولاردىڭ رەاكتسياسى تومەن بولىپ شىعادى. قالالىق مانساپ ورتالىعىنىڭ مالىمەتىنشە, جىل باستالعالى بەرى اۆتوبۋس پاركتەرىنە 89 مامان جولدانعان. د ساناتى بويىنشا جۇرگىزۋ كۋالىگى بار تاعى 60-قا جۋىق ادام ءالى جۇمىسسىز رەتىندە تۇر. ولاردىڭ ءبىرازى قوعامدىق كولىكتەردى باسقارۋدان باس تارتسا, ەندى ءبىرى كومپانيا تالاپتارىنا سايكەس كەلمەگەن.  ءسانيا مامەتوۆا, قالالىق مانساپ ورتالىعىنىڭ ءبولىم باسشىسى: — جۇمىس ۋاقىتى تاڭعى 6-دان تۇنگى 12-گە دەيىن. ول وتە اۋىر بوپ كەتەدى. سونىمەن قاتار اۆتوپارككە جاقىن جەردە تۇرۋى كەرەك. 45-50-گە جاقىن كىسىلەردىڭ ۋجە دەنساۋلىعىنا قارايدى. ونىڭ اراسىندا كارتوچكاسى دا ارەستتە تۇرادى. سول جاعىنان كىشكەنە وتپەي قالادى.

استانادا 96 باعىتقا مىڭنان استام اۆتوبۋس قاتىنايدى. 2 مىڭعا جۋىق جۇرگىزۋشى ەكى كۇن سايىن ءوزارا اۋىسىپ قىزمەت اتقارىپ ءجۇر. اۆتوپاركتەردە ەڭبەك كۇشىنىڭ تاپشىلىعى ايتارلىقتاي سەزىلەدى. قازىردىڭ وزىندە كەمىندە مىڭ شاقتى جۇمىس ورنى بوس تۇر. گرافيكا: جولاۋشىلار تاسىمالداۋ قىزمەتى  باعدار — 96 اۆتوبۋس — 1401 جۇرگىزۋشى — 1851 بوس جۇمىس ورنى — 1110  بىرەر جىل بۇرىن جۇرگىزۋشىلەردىڭ جالاقىسى 300 مىڭ تەڭگە شاماسىندا بولسا, قازىر 500 مىڭ تەڭگەدەن باستالادى. جول ەرەجەلەرىن ساقتاۋ ءتارتىبى مەن ەڭبەك وتىلىنە قاراي ۇستەماقى قاراستىرىلعان. اۆتوپاركتەر مامان تاپشىلىعىن شەشۋ ءۇشىن تاعى بىرقاتار شارا قابىلداپ جاتىر. سونداي-اق زاڭعا وزگەرىس ەنگىزۋ ۇسىنىلدى.  وكسانا اۋباكىروۆا, «City Transportation Systems» جشس ءباسپاسوز حاتشىسى: — جالاقىسى ءوسىرىلدى 800 مىڭعا دەيىن. ودان كەيىن, جۇرگىزۋشىلەر بۇرىن سمەنا اياقتالعاننان كەيىن اۆتوبۋستى جۋىپ بولعانشا كۇتەتىن. قازىر ولار ولاي كۇتپەيدى. ياعني ۇيلەرىنە كەتە بەرەدى. اۆتوبۋستى باسقا ادام كىرگىزەدى مويكاعا. +باسقا وڭىرلەردەن جۇرگىزۋشىلەردى تارتۋ جونىندەگى جۇمىستار جۇرگىزىلىپ جاتىر.

25 جاستان باستاپ جاستارعا كوپ سەنىمسىزدىك بىلدىرەتىن دە شىعار, بىراق قازىر سونداي زاڭ قاراستىرىلىپ جاتىر. جاس شاماسىن تومەندەتۋ تۋرالى. ويتكەنى جۇرگىزۋشىلەر جەتىسپەيدى.  ەركەبۇلان سمادياروۆ, ءتىلشى: — باس قالادا جىل سوڭىنا دەيىن اۆتوپاركتەردى جاڭا 300 قوعامدىق كولىكپەن تولىقتىرۋ كوزدەلگەن. ناۋرىزدىڭ اياعىندا سونىڭ قىرىعى جەلىگە قوسىلادى. ءوز كەزەگىندە جۇرگىزۋشىلەردىڭ تاپشىلىعىن جەدەل جويۋ ماسەلەسى كۇيىپ تۇر.