جاڭالىقتار
ەلوردادا پرانك جاساعان بلوگەرلەر قامالدى
فوتو: سكرين
استانادا بەينەروليك ءتۇسىرىپ, پرانك جاساعان بلوگەرلەر قامالدى, دەپ جازادى qandastar.kz
پوليتسيا قىزمەتكەرلەرى الەۋمەتتىك جەلىلەرگە مونيتورينگ جۇرگىزۋ بارىسىندا بلوگەردىڭ ەكى سەرىكتەسىمەن بىرگە «حايپ» ءۇشىن كوپقاباتتى تۇرعىن ءۇيدىڭ ليفتىنە جالعان ءمايىتتى قويعان ءساتى تۇسىرىلگەن بەينەروليكتى انىقتادى.
سول سياقتى ەكىنشى ۆيدەودا ءبىر ادام ليفتىگە جۇگىرىپ كىرەدى, ەكىنشىسى جارالانعان كەيىپ تانىتادى, ال ءۇشىنشىسى قولىنا بالتا ۇستاعان. ولاردىڭ ارەكەتى ليفتىگە كىرگەن ازاماتتاردى قاتتى شوشىتىپ, كۇيزەلىسكە تۇسۋىنە سەبەپ بولعان.
مۇنداي «ازىلدەر» – مورالعا جات ءارى قوعامدىق ءتارتىپتى بۇزاتىن ارەكەتتەر. ولار قايعىلى جاعدايلارعا الىپ كەلۋى مۇمكىن.
بارلىق قاتىسۋشى انىقتالىپ, ۇستالدى جانە جاۋاپكەرشىلىككە تارتىلدى.
سوت شەشىمىمەن باستاماشى 30 تاۋلىككە قامالسا, قالعان ەكەۋىنە 15 تاۋلىكتىك اكىمشىلىك قاماۋ تاعايىندالدى.
