ەلوردادا سوت ساراپتامالارى ورتالىعىنىڭ ديرەكتورى ۇستالدى

فوتو:  Olympic.kz

استانادا سوت ساراپتامالارى ورتالىعىنىڭ ديرەكتورى ۇستالدى, دەپ جازدى qandastar.kz

سوت ساراپتامالارى ورتالىعىنىڭ لاۋازىمدى تۇلعالارى مەن مەردىگەر ۇيىم باسشىسىنا قاتىستى 2 ملرد تەڭگەدەن استام بيۋدجەت قاراجاتىن جىمقىرۋ فاكتىسى بويىنشا سوتقا دەيىنگى تەرگەۋ ءىسى تىركەلدى. بۇل تۋرالى قارجى مونيتورينگى اگەنتتىگى حابارلادى. 2023-2025 جىلدارعا ارنالعان ناشاقورلىق پەن ەسىرتكى بيزنەسىنە قارسى كۇرەس جونىندەگى كەشەندى جوسپار اياسىندا بيۋدجەتتەن 10,3 ملرد تەڭگە بولىنگەن. الايدا, 2023-2024 جىلدارى سوت ساراپتامالارى ورتالىعىنىڭ لاۋازىمدى تۇلعالارى مۇددەلى توپپەن الدىن-الا كەلىسىپ, بيۋدجەت ءوتىنىمىن قالىپتاستىرۋ كەزىندە جالعان كوممەرتسيالىق ۇسىنىستار ۇسىنۋ ارقىلى جابدىقتىڭ قۇنىن 3 ەسە ارتتىرعان. «م ۇلىكتى تاركىلەۋ ماقساتىندا جالپى قۇنى 148 ملن تەڭگەدەن اساتىن الماتى قالاسىنداعى 2 جەر تەلىمى, استانا قالاسىنداعى پاتەر جانە BMW ح6 مەن RAV 4 اۆتوكولىكتەرىنە تىيىم سالىندى. سونىمەن قاتار, بانك ەسەپشوتتارىنداعى 1,6 ميلليارد تەڭگە, 367 مىڭ دوللار جانە 366 مىڭ ەۋرو سوماسىنداعى كومپانيانىڭ اقشا قاراجاتى بۇعاتتالدى», — دەپ حابارلادى قما. ساراپتاما ورتالىعىنىڭ ديرەكتورى, مەملەكەتتىك ساتىپ الۋ دەپارتامەنتىنىڭ باسشىسى جانە جشس باسشىسى 2 ايعا قامالدى.