ەلوردالىق بۇرىنعى ايەلىنەن تويدان تۇسكەن اقشانى سوت ارقىلى قايتارىپ الماق بولعان

فوتو: اشىق دەرەككوز

استانادا اجىراسقان جىگىت بۇرىنعى زايىبىنان توي كەزىندە جينالعان اقشانى سوت ارقىلى قايتارىپ الۋعا تىرىستى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.

استانا قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنىڭ مالىمەتىنشە, ەر ادام م ۇلىكتى ءبولۋ ءىسى بويىنشا سوتقا جۇگىنگەن. ول ۇيلەنۋ تويىن وتكىزۋ كەزىندە دوستارى مەن تۋىستارى جاۋاپكەرگە (جۇبايىنا) 5 ملن تەڭگە جانە 1 ملن تەڭگە تۇراتىن گاۋھار تاستى جۇزىك سىيلاعان.

سوت زەرگەرلىك بۇيىمدار قالىڭدىققا نەكەگە دەيىن بەرىلگەنىن انىقتاپ, سوندىقتان بۇل ونىڭ جەكە مەنشىگى, سول سەبەپتى ول بولىسۋگە جاتپايدى دەپ شەشتى.

«نەكە (ەرلى-زايىپتىلىق) جانە وتباسى تۋرالى» كودەكستىڭ 35-بابىنا سايكەس:

• ەرلى-زايىپتىلاردىڭ ارقايسىسىنا نەكەگە (ەرلى-زايىپتىلىققا) دەيىن تيەسىلى م ۇلىك
• ەرلى-زايىپتىلاردىڭ نەكە (ەرلى-زايىپتىلىق) كەزەڭىندە سىيعا تارتۋ تارتىبىمەن نەمەسە وزگە دە وتەۋسىز مامىلەلەر بويىنشا العان مۇلكى ەرلى-زايىپتىلاردىڭ ارقايسىسىنىڭ جەكە مەنشىگى بولىپ تابىلادى.

تاسپەن كومكەرىلگەن اشەكەيلەر (سىرعا مەن ساقينا) مەن نەكە جۇزىگىن بەرگەنىن ايتتى.

«تالاپ قويۋشى جاۋاپكەر بۇل اقشا مەن زەرگەرلىك بۇيىمداردى زاڭسىز يەمدەنگەن دەگەن ءۋاجدى العا تارتادى. جاۋاپكەر تالاپتى مويىندامادى. سوت ءىس ماتەريالدارىن زەردەلەپ, تاراپتاردى تىڭداپ, تالاپ قويۋدى قاناعاتتاندىرۋدان باس تارتۋ تۋرالى شەشىم قابىلدادى. سەبەبى, ءىستى قاراۋ بارىسىندا سىيعا بەرىلگەن 5 ملن تەڭگەنى الۋ فاكتىسى قۇجاتپەن راستالمادى, سونداي-اق اتالعان قاراجاتتى جاۋاپكەردىڭ يەمدەنىپ العانى دالەلدەنبەدى», دەلىنگەن سوت حابارلاماسىندا.