Elordalyq burynǵy áıelinen toıdan túsken aqshany sot arqyly qaıtaryp almaq bolǵan

Foto: ashyq derekkóz

Astanada ajyrasqan jigit burynǵy zaıybynan toı kezinde jınalǵan aqshany sot arqyly qaıtaryp alýǵa tyrysty, dep habarlaıdy qandastar.kz Skifnews.kz aqparat portalyna silteme jasap.

Astana qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynyń málimetinshe, er adam múlikti bólý isi boıynsha sotqa júgingen. Ol úılený toıyn ótkizý kezinde dostary men týystary jaýapkerge (jubaıyna) 5 mln teńge jáne 1 mln teńge turatyn gaýhar tasty júzik syılaǵan.

Sot zergerlik buıymdar qalyńdyqqa nekege deıin berilgenin anyqtap, sondyqtan bul onyń jeke menshigi, sol sebepti ol bólisýge jatpaıdy dep sheshti.

«Neke (erli-zaıyptylyq) jáne otbasy týraly» Kodekstiń 35-babyna sáıkes:

• erli-zaıyptylardyń árqaısysyna nekege (erli-zaıyptylyqqa) deıin tıesili múlik
• erli-zaıyptylardyń neke (erli-zaıyptylyq) kezeńinde syıǵa tartý tártibimen nemese ózge de óteýsiz mámileler boıynsha alǵan múlki erli-zaıyptylardyń árqaısysynyń jeke menshigi bolyp tabylady.

taspen kómkerilgen áshekeıler (syrǵa men saqına) men neke júzigin bergenin aıtty.

«Talap qoıýshy jaýapker bul aqsha men zergerlik buıymdardy zańsyz ıemdengen degen ýájdi alǵa tartady. Jaýapker talapty moıyndamady. Sot is materıaldaryn zerdelep, taraptardy tyńdap, talap qoıýdy qanaǵattandyrýdan bas tartý týraly sheshim qabyldady. Sebebi, isti qaraý barysynda syıǵa berilgen 5 mln teńgeni alý faktisi qujatpen rastalmady, sondaı-aq atalǵan qarajatty jaýapkerdiń ıemdenip alǵany dáleldenbedi», delingen sot habarlamasynda.