Jańalyqtar
«Emime 45 mln teńge kerek»: Burynǵy kúıeýi órtep jibergen áıel ádildik izdep júr
Foto: Astana telearnasy
Almatyda úsh jyl buryn kúıeýi órtep jiberip, ajal aýzynan qalǵan Indıra Tergeýbaeva áli kúnge deıin ádildikke jete almaı júr. Ol pıketke shyǵyp, qoǵamnyń nazaryn aýdaryp kómek surady.
Indıra Tergeýbaeva órt oqıǵasy boıynsha istiń jabylýyna narazy jáne burynǵy kúıeýin der kezinde deportaııalamaǵan kóshi-qon polıııasy qyzmetkerleriniń jazalanýyn talap etip otyr.
Indıranyń bazynasyn Sputnik Qazaqstan tilshisi tyńdap qaıtty.
Tergeýbaevanyń basyndaǵy qaıǵyly oqıǵa 2021 jyly bolǵan. Ony ajyrasyp ketken kúıeýi dúkenimen qosyp órtep jibergen.
«Maǵan osy úsh jylda jalpy 9 ota jasaldy, biraq densaýlyǵym túzelmedi. Sol ekinshi toptaǵy múgedek kúıi qaldym. Pıketke shyǵýǵa májbúrmin. Byltyr mamyrdan beri isti antıkor eki ret isti japty. Prezıdent ákimshiligine aryz jazdym. Antıkordaǵylardyń aıtýynsha, qylmys qurylymy joq. Jaýapty mamandar tıisti jazasyn aldy, qaıta-qaıta jaýapqa tartpaımyz, olar eskertý aldy, deıdi. Bul jemqorlyq dep oılaımyn», – deıdi Indıra Tergeýbaeva.
Indıranyń nekede bolǵan kúıeýi – shetel azamaty. Jábirlenýshiniń aıtýynsha, Joǵarǵy sot ony deportaııalaý týraly úkim shyǵarǵan. Alaıda bir jarym jyl boıy kóshi-qon polıııasy ony Qazaqstannan shyǵarmaǵan.
«Joǵarǵy sottyń deportaııalaý týraly sheshimi bolsa da, kóshi-qon polıııasy ol adamdy Qazaqstannan shyǵarmady. Ol meni óltiremin dep únemi qorqytatyn, ylǵı polıııaǵa baryp shaǵymdanatynmyn. Aqyry 40 lıtr benzındi ákelip, dúkenmen qosa meni órtep jiberdi», – deıdi jábirlenýshi.
Indıra qazirgi qalalyq prokýratýranyń da esigin tozdyryp júr. Maqsaty óz mindetterin durys oryndamaǵan quzyrly mekeme mamandaryn jaýapqa tartý.
«Kúıeýi órtenip ketti, kúdikti óldi dep isti jaýyp tastap jatyr. Qalalyq prokýror Qarymsaqov degen prokýrorǵa tapsyrma berdi. Mine 1,5 aı boldy, is sol kúıi tur. Prokýratýra da durys qaramaı jatyr. Meniń talabym – kóshi-qon polıııasy Zańdy túrde jazasyn alsyn, sheshimdi oryndamaǵandar túrmege otyrsyn. Solar der kezinde deportaııa jasaǵanda men múgedek bolmas edim, burynǵy kúıeýim órtemes pe edi. Tipti kóshi-qon polıııasynyń mamandary eshbiri menen keshirim suraǵan joq. Ne túrmege jabylsyn nemese meniń adam kórgisiz bolyp qalǵan túrimdi qalpyna keltirip, emimdi alý úshin qarjylaı kómek bersin. Meniń densaýlyǵym qalpyna kelý úshin 45 mln teńge kerek», – deıdi Indıra Tergeýbaeva.
Indırany tolyq qalpyna keltirý tek koreıalyq dárigerlerdiń qolynan keledi eken. О́z qyzmetin olar 100 myń dollarǵa baǵalapty. Indıra Tergeýbaeva qazir esh jerde jumys istemeıdi, óıtkeni eńbekke jaramsyz. Basynda baspanasy da joq. Aqyly oqıtyn stýdent qyzy ekeýi 70 myń teńge múgedektik boıynsha tólemaqymen jan baǵyp júr.
Eske sala keteıik, Almatyny dúr silkindirgen oqıǵa 2021 jyldyń sońynda boldy. Burynǵy áıeli Indıra Tergeýbaevaǵa kún kórsetpegen er adam ony jalǵa alǵan dúkenimen qosa órtep jiberdi. Er adam qıraǵan ǵımaratta jan tapsyryp, Indırany kýáger aman alyp qaldy.
