جاڭالىقتار
ەڭ باي قازاقستاندىقتاردىڭ ءتىزىمى جاريالاندى
فوتو: Pixabay
ۆياچەسلاۆ كيم 2025 جىلعى قازاقستاننىڭ ەڭ باي بيزنەسمەندەرى رەيتينگىسىندەگى ءبىرىنشى ورنىن ساقتاپ قالدى. رەيتينگتە تيمۋر تۋرلوۆ بەسىنشى ورىننان ەكىنشى ورىنعا, ۆلاديمير كيم ءتورتىنشى ورىننان ءۇشىنشى ورىنعا كوتەرىلسە, ەرلى-زايىپتى تيمۋر مەن دينارا ق ۇلىباەۆتار ەكىنشى ورىننان ءتورتىنشى ورىنعا تومەندەدى, بولات وتەمۇراتوۆ التىنشى ورىندى يەلەندى, دەپ حابارلادى qandastar.kz سايتى.
رەيتينگتەگى العاشقى التىلىقتىڭ بايلىعى ءبىر جىلدا 7,2 ميلليارد دوللارعا ءوسىپ, 27,6 ميلليارد دوللار بولعان. ۆياچەسلاۆ كيمنىڭ كاپيتالى 5,8 ميلليارد دوللاردان 7,1 ميلليارد دوللارعا دەيىن ارتقان. كاسىپكەر Kaspi.kz فينتەح كومپانياسىنىڭ 21,3% اكتسياسىنا يەلىك ەتەدى. سونىمەن قاتار ونىڭ “السەكو” جانە ELTOP Soft IT-كومپانيالارىندا, كوممۋنالدىق تولەمدەردى قابىلدايتىن “استانا-ەرتس” جانە “پوزيتيۆ ينۆەست” مۇناي كومپانياسىندا ۇلەسى بار. كيم — Magnum Cash Carry ساۋدا جەلىسىنىڭ سوڭعى بەنەفيتسيارى.
Freedom Holding Corp. كورپوراتسياسىنىڭ باسشىسى تيمۋر تۋرلوۆتىڭ بايلىعى 3,3 ميلليارد دوللاردان 5,8 ميلليارد دوللارعا وسكەن. Freedom حولدينگىنىڭ قۇرامىنا “فريدوم فينان” بروكەرلىك كومپانياسى, وسى اتتاس بانك جانە ەكى ساقتاندىرۋ كومپانياسى, Arbuz.kz ونلاين سۋپەرماركەتى جانە Freedom Travel اۋە بيلەتتەرى قىزمەتى سياقتى كومپانيالار كىرەدى. سونداي-اق Freedom Drive اۆتوشينالار دۇكەنى, Freedom Mobile تەحنيكالار مەن اكسەسسۋارلار دۇكەنى, كونتسەرت, كينو جانە باسقا دا ءىس-شارالارعا بيلەت ساتاتىن Freedom Ticketon, Freedom Telecom تەلەكوممۋنيكاتسيالىق كومپانياسى جانە Freedom Media ونلاين كينوتەاترى كىرەدى.
ۆلاديمير كيمنىڭ بايلىعى 3,6 ميلليارد دوللاردان 5,7 ميلليارد دوللارعا ارتقان. ونىڭ KAZ Minerals كومپانياسى پاۆلودار وبلىسىنداعى بازشاكول, شىعىس قازاقستان وبلىسىنداعى اقتوعاي كەن ورنىندا, شىعىس قازاقستان وبلىسىنداعى ءۇش جەراستى كەنىشىندە جانە قىرعىزستانداعى بوزىمشاق التىن-مىس كەنىشىندە كەن وندىرەدى. ۆلاديمير كيم Bank RBK اكتسيالارىنىڭ باقىلاۋ پاكەتىنە يە.
تيمۋر مەن دينارا ق ۇلىباەۆتاردىڭ بايلىعى ءبىر جىلدا 300 ميلليون دوللارعا ارتىپ, جالپى 5,3 ميلليارد دوللارعا باعالانىپ وتىر. ەرلى-زايىپتىلار “المەكس” حولدينگى ارقىلى قازاقستانداعى ەڭ ءىرى بانك – Halyk Bank-كە يەلىك ەتەدى. ق ۇلىباەۆ بۇعان قوسا قۇرامىنا «كاسپي نەفت», “شۇباركول پرەميۋم” جانە «كريستالل مەنەدجمەنت» كىرەتىن Joint Resources حولدينگىن باقىلايدى. “كيپروس” ارقىلى Viled, Emdeu, PetroRetail, «قامقور مەنەدجمەنت» جانە «باحۋس» كومپانيالارىنىڭ ۇلەسىنە يە.
بولات وتەمۇراتوۆ قازاقستاننىڭ ەڭ باي ادامدارى رەيتينگىندە التىنشى ورىندا تۇر. ونىڭ كاپيتالى 2,7 ميلليارد دوللاردان 3,7 ميلليارد دوللارعا دەيىن وسكەن. وتەمۇراتوۆ ForteBank-ءتىڭ نەگىزگى اكتسيونەرى بولىپ سانالادى, RG Gold جانە»كار-تەل» (Beeline قازاقستان) كومپانيالارىندا ۇلەسى بار, سونىمەن قاتار استانا مەن ۆەناداعى Ritz-Carlton, ماسكەۋدەگى The Carlton جانە اقمولا وبلىسىنداعى Rixos Borovoe قوناق ۇيلەرىن باسقارادى.
Forbes باسىلىمىنىڭ جازۋىنشا, رەيتينگكە قاتىسۋشىلار اكتيۆتەرىنىڭ جالپى قۇنى بويىنشا انىقتالعان. كومپانيالار كونسەرۆاتيۆتى پرينتسيپ بويىنشا باعالانعان. اۋديتتەلگەن قارجىلىق ەسەپتىلىكتى ۇسىنباعان كومپانيالاردىڭ شىعىندارى 50% تومەندەتىلىپ الىنعان. 110 كاسىپكەردەن تۇراتىن ۇزىن ءتىزىمنىڭ ىشىنەن 75 كاسىپكەر قىسقا تىزىمگە ەنگەن.
