Eń baı qazaqstandyqtardyń tizimi jarııalandy

Foto: Pixabay

Vıacheslav Kım 2025 jylǵy Qazaqstannyń eń baı bıznesmenderi reıtıngisindegi birinshi ornyn saqtap qaldy. Reıtıngte Tımýr Týrlov besinshi orynnan ekinshi orynǵa, Vladımır Kım tórtinshi orynnan úshinshi orynǵa kóterilse, erli-zaıypty Tımýr men Dınara Qulybaevtar ekinshi orynnan tórtinshi orynǵa tómendedi, Bolat О́temuratov altynshy oryndy ıelendi, dep habarlady qandastar.kz saıty. 

Reıtıngtegi alǵashqy altylyqtyń baılyǵy bir jylda 7,2 mıllıard dollarǵa ósip, 27,6 mıllıard dollar bolǵan. Vıacheslav Kımniń kapıtaly 5,8 mıllıard dollardan 7,1 mıllıard dollarǵa deıin artqan. Kásipker Kaspi.kz fınteh kompanııasynyń 21,3% akııasyna ıelik etedi. Sonymen qatar onyń “Alseko” jáne ELTOP Soft IT-kompanııalarynda, kommýnaldyq tólemderdi qabyldaıtyn “Astana-ER” jáne “Pozıtıv Invest” munaı kompanııasynda úlesi bar. Kım — Magnum Cash Carry saýda jelisiniń sońǵy benefııary.

Freedom Holding Corp. korporaııasynyń basshysy Tımýr Týrlovtyń baılyǵy 3,3 mıllıard dollardan 5,8 mıllıard dollarǵa ósken. Freedom holdınginiń quramyna “Frıdom Fınan” brokerlik kompanııasy, osy attas bank jáne eki saqtandyrý kompanııasy, Arbuz.kz onlaın sýpermarketi jáne Freedom Travel áýe bıletteri qyzmeti sııaqty kompanııalar kiredi. Sondaı-aq Freedom Drive avtoshınalar dúkeni, Freedom Mobile tehnıkalar men aksessýarlar dúkeni, konert, kıno jáne basqa da is-sharalarǵa bılet satatyn Freedom Ticketon, Freedom Telecom telekommýnıkaııalyq kompanııasy jáne Freedom Media onlaın kınoteatry kiredi.

Vladımır Kımniń baılyǵy 3,6 mıllıard dollardan 5,7 mıllıard dollarǵa artqan. Onyń KAZ Minerals kompanııasy Pavlodar oblysyndaǵy Bazshakól, Shyǵys Qazaqstan oblysyndaǵy Aqtoǵaı ken ornynda, Shyǵys Qazaqstan oblysyndaǵy úsh jerasty kenishinde jáne Qyrǵyzstandaǵy Bozymshaq altyn-mys kenishinde ken óndiredi. Vladımır Kım Bank RBK akııalarynyń baqylaý paketine ıe.

Tımýr men Dınara Qulybaevtardyń baılyǵy bir jylda 300 mıllıon dollarǵa artyp, jalpy 5,3 mıllıard dollarǵa baǵalanyp otyr. Erli-zaıyptylar “Almeks” holdıngi arqyly Qazaqstandaǵy eń iri bank – Halyk Bank-ke ıelik etedi. Qulybaev buǵan qosa quramyna «Kaspıı Neft», “Shubarkól Premıým” jáne «Krıstall Menedjment» kiretin Joint Resources holdıngin baqylaıdy. “Kıpros” arqyly Viled, Emdeu, PetroRetail, «Qamqor Menedjment» jáne «Bahýs» kompanııalarynyń úlesine ıe.

Bolat О́temuratov Qazaqstannyń eń baı adamdary reıtınginde altynshy orynda tur. Onyń kapıtaly 2,7 mıllıard dollardan 3,7 mıllıard dollarǵa deıin ósken. О́temuratov ForteBank-tiń negizgi akıoneri bolyp sanalady, RG Gold jáne»KaR-Tel» (Beeline Qazaqstan) kompanııalarynda úlesi bar, sonymen qatar Astana men Venadaǵy Ritz-Carlton, Máskeýdegi The Carlton jáne Aqmola oblysyndaǵy Rixos Borovoe qonaq úılerin basqarady.

Forbes basylymynyń jazýynsha, reıtıngke qatysýshylar aktıvteriniń jalpy quny boıynsha anyqtalǵan. Kompanııalar konservatıvti prınıp boıynsha baǵalanǵan. Aýdıttelgen qarjylyq eseptilikti usynbaǵan kompanııalardyń shyǵyndary 50% tómendetilip alynǵan. 110 kásipkerden turatyn uzyn tizimniń ishinen 75 kásipker qysqa tizimge engen.