Eń qymbat banknot – eń qundy prezıdent: Tramptyń aqshasy aınalymǵa shyǵady

Foto: ashyq derekkóz

AQSh-ta Donald Tramp beınelengen jańa banknot shyǵarylýy múmkin, dep habarlaıdy qandastar.kz RIA Novostı agenttigine silteme jasap.

Ońtústik Karolına shtatynan saılanǵan respýblıkalyq kongressmen Djo Ýılson AQSh-tyń burynǵy prezıdenti Donald Tramptyń beınesi salynǵan 250 dollarlyq jańa banknot shyǵarý týraly zań jobasyn daıyndap jatqanyn málimdedi.

Bıýro gravırovka jáne baspa qyzmetine Donald Tramptyń portreti beınelengen 250 dollarlyq banknot ázirleýdi tapsyrǵan zań jobasyn daıyndap jatqanymdy qýana habarlaımyn, – dep jazdy Ýılson áleýmettik jelide.

Kongressmen bul bastamany AQSh ekonomıkasyna keri áserin tıgizgen “baıdenflıaııa” (prezıdent Djo Baıdenniń saıasaty saldarynan týyndaǵan ınflıaııa) máselesimen baılanystyrdy. Onyń aıtýynsha, amerıkalyqtar qymbatshylyqtyń saldarynan ózimen birge kóbirek qolma-qol aqsha tasýǵa májbúr.

BAQ.KZ jazǵandaı, New York Post gazeti bul usynys 1866 jylǵy zańǵa qaıshy ekenin atap ótti. Zańǵa sáıkes, AQSh valıýtasynda tiri adamdardyń beınesin salýǵa tyıym salynǵan. Sonymen qatar, 1969 jyldan beri AQSh-ta 100 dollardan joǵary nomınaldy banknottar shyǵarylmaıdy.

2024 jyldyń maýsymynda Arızona shtatynyń respýblıkalyq kongressmeni Pol Gosar Donald Tramp beınelengen 500 dollarlyq banknot shyǵarýdy usynǵan bolatyn.

Zań jobalary áli qabyldanǵan joq jáne talqylaý satysynda tur.