«Eń soraqy aqıqat»: Ánarýdyń advokaty Janqoshtyń esirtkige táýeldi ekenin aıtty

Foto: instagram.com/zhankoshturarov

Ánarý Qurmanáliniń advokaty Lázzat Ahatova kásipqoı boksshyǵa aýyr aıyptar taqty. Jańqosh Turarovqa qatysty qylmystyq istiń qysqartylyp qalǵanymen zańger de, Ánarý da kelispeıdi. Endi jábirlenýshi tarap isti qysqartqan tergeýshilerdiń ústinen de, boksshynyń áıeline qatysty da aryzdanbaq, dep habarlaıdy  qandastar.kz Skifnews.kz aqparat portalyna silteme jasap.

Ahatova tergeý organdarynyń zańsyz áreketterin ashyp jazdy.

«Isti bizge aıtpaı, zańsyz qysqartqanyn eki kún buryn, qoımaı júrip bildik. Endi tergeý organy bizdi sotqa shaǵymdanbasyn dep, qaýlyny bermeı otyr! Ol qaýlyǵa shaǵymdanatyn quqyǵymyz bar! Qaıta jańǵyrtýǵa quqyǵymyz bar. Solaı jasaımyz da. Tıisti organdardyń bárine shaǵymdanamyz. Polıııa isti zańsyz qysqartsa, nege ony túpkilikti sheshim dep oılaıdy, keı kisiler? Ol sheshimderine  shaǵym keltirý quqyǵy bar emes pe? Sot bar, prokýratýra bar. Iá, Janqosh Turarovtyń “kryshasy” týraly, tergeýdegi óreskel zańsyzdyqtar týraly is qozǵalǵan sátte jazǵan edik. Kúdigimiz rastaldy. Polıııa buǵan deıin de Turarovtyń  birneshe  isin  qysqartqan eken. Olar basynan -aq isti jaýyp tastaýǵa, Ánarýdyń aýzyn jaýyp tastaýǵa barynsha kúsh salǵan bolatyn», — dep jazdy Lázzat Ahatova.

Onyń sózinshe, osyǵan deıin tergeý qupııasyna kedergi keltirmes úshin kóp dúnıeni jazbaı kelgen.  Baspasóz konferenııasyn da ótkizbeı, suqbat ta bermegen.

«Basynda qoǵam qyzdyń áreketin túsinbeı, Ánarýdy kinálap ketken soń, polıııanyń uryp-soqqany týraly, bokserdyń  áıeli jalǵan aqpar taratyp, “túnde zvondaıdy” dep, jarııalaǵan soń, túsindirý maqsatynda biraz jazǵanymdy bilesizder. Shet jaǵasyn ǵana. Aqyry tergeýdiń ózi osylaı zańdy belden basyp otyrsa, mán-jaıdy ashyq aıtaıyn:

Ánarý eshkimge jala japqan joq! Ony Turarov o basta aldap, quryǵyna túsirip, esin bilmeı jatqanda zorlap, alty jyl bopsalap kelgen! Týystaryna, tanystaryna abyroısyz bolýdan qoryqqandyqtan, qyz bala amalsyz onyń degenine kónip kelgen.

Eń soraqysy — osy ýaqytqa deıin aıtylmaı kele jatqan aqıqat — Turarov ózi mefedron qoldanǵanymen qoımaı(onyń esirtkige áýes ekenin tanystary túgel biledi eken) Ánarýdy da mefedronǵa táýeldi etip qoıǵan! Bul týraly  aryz bergende de, bettestirý kezinde de, jaýap alý kezinde de Ánarý aıtqan. Is materıaldarynda ol derekter bar. Alaıda tergeý organy sol kezde ekeýiniń de qandaryn tekserýge saraptamaǵa jiberý kerek edi. Ony jasamaǵan! Iaǵnı tergeý organy qylmysty jasyrǵan! Sonyń saldarynan eki aı ótken soń, biz esirtki týraly zertteýdi talap etip, aryzdanyp, qoımaǵasyn, Turarov jaqynda “qanynda esirtki joq” degen anyqtama aparyp beripti) Tamyzda qoldanǵan esirtki qannan qazan aıynda deıin árıne kórinbeıdi. О́ıtkeni, sarapshylardyń aıtýynsha, eki kúnnen keıin de qannan kórinbeıtin qymbat túrleri bar eken, meftyń», — dedi zańger.

Onyń pikirinshe, polıııa Qylmystyq Kodekstiń 120-baby emes, 121-babymen is qozǵaý kerek edi. Ol baptyń jazasy aýyrlaý. Dáleldeý — bólek áńgime, aryzda anyq jazylǵan nárseni burmalap, isti ádeıi jeńildeý bappen qozǵaǵan. Sodan keıin, saraptamany birneshe kúnnen keıin ǵana taǵaıyndaǵan. Sonymen qatar, saraptamany proktolog dárigerdiń qatysýynsyz jasaǵan! Iaǵnı syrtyn ǵana tekserip, ishin teksermegen. Ol da qylmysty jasyrý dep esepteledi!

«Táýelsiz sarapshy Tahır Halımnazarovtyń aıtýynsha, ýaqyt ótken saıyn, jara jazyla bastaıdy da, zorlyq belgisin anyqtaý qıynǵa soǵady..Tergeý organynyń áreketi de osyndaı nátıje bolý úshin bolýǵa ádeıi jasalǵanǵa uqsaıdy. Men aryz 20 kún keıin bardym. Soǵan deıin Ánarýdyń qorǵaýshysy, quqyqtyq baǵyt kórsetetin adam bolmaǵan. Sony paıdalanyp, bokserdyń qylmysyn jasyrý maqsatynda talaı zańsyzdyq jasalǵan. Saraptama qorytyndysymen Ánarýdyń birneshe dene jaraqattarynyń bolǵany rastalyp  otyr. Kesh barsa da, sol kezde kúshpen túsirgen jaraqattary ketpegen eken. Bular zorlyq belgisi emeı, nemene sonda? Bizge tergeý organy isti qysqartý týraly Qaýlyny bergen joq! Tanystyrǵan da joq! Iaǵnı qylmystyq zań normalaryn belden basyp otyr. Solaı bola tura, qysqarttyq dep, kinási dáleldenbedi dep, saıttarǵa aqparat berip otyr. Jábirlenýshi taraptyń ispen tanysý, shaǵym berý quqyǵy qaıda qaldy, sonda?! Myna zańsyzdyqtar qashanǵa deıin jalǵasady?!», — dedi jábirlenýshiniń qorǵaýshysy.

Zańger Bas Prokýratýra men sotqa tergeýshilerdiń ústinen shaǵym túsirmek. Onymen qosa, jańa baptarmen taǵy da aryz jazylady. Tergeý organynyń ústinen Qylmystyq Kodekstiń 433-babymen, ıaǵnı qylmysty qasaqana jasyrý boıynsha aryz jazyp, Janqosh Turarovtyń áıeliniń ústinen BAQ betterinde jalǵan aqparat taratyp, adamnyń ar-namysyna nuqsan keltirgeni úshin de aryz jazatyndaryn málimdedi.