ەڭبەك ادامدارى لايىقتى ەڭبەكاقى الۋى كەرەك – جۇلدىز سۇلەيمەنوۆا

سۋرەت: parlam.kz

ەڭبەك ادامدارىنا لايىقتى ەڭبەكاقى تولەنۋى كەرەك. ءماجىلىس دەپۋتاتى جۇلدىز سۇلەيمەنوۆا «AMANAT» پارتياسى فراكتسياسىنىڭ اتىنان قازاقستان رەسپۋبليكاسى پرەمەر-ءمينيستردىڭ ورىنباسارى تامارا دۇيسەنوۆاعا دەپۋتاتتىق ساۋال جولداپ, وسى ماسەلەنى كوتەردى, دەپ جازدى  qandastar.kz

«AMANAT» پارتياسى فراكتسياسى بۇل سۇراقتى ۇنەمى ايتىپ كەلەدى, بىلتىر دا حالىقپەن كەزدەسۋدەن كەيىن وسى سۇراقتىڭ شەشىمىن ۇسىناتىن دەپۋتاتتىق ساۋال جولدادى. 2024 جىلعى 29 اقپانداعى پرەمەر-ءمينيستردىڭ ورىنباسارىنان كەلگەن جاۋاپتا, «…ۇكىمەت دۇنيەجۇزىلىك بانكپەن بىرلەسىپ حالىقارالىق تاجىريبەنى ەسكەرىپ, جۇمىستىڭ ەرەكشەلىگىنە سايكەس ازاماتتىق قىزمەتشىلەردىڭ, بيۋدجەتتىك سالا قىزمەتكەرلەرىنىڭ ەڭبەگىنە اقى تولەۋ جۇيەسىن جەتىلدىرۋ تۋرالى جۇمىس جۇرگىزۋدە», – دەپ ايتىلعان. الايدا, جۇمىستىڭ ناتيجەسى تەحنيكالىق قىزمەتشىلەر ءۇشىن بەلگىسىز. ەدەن جۋشى, پلوتنيك, سانتەحنيك, اۋلا سىپىرۋشى, ەلەكتريكتەرگە ساۋىقتىرۋ جاردەماقىسىن تولەۋ, ەڭبەكاقى جۇيەسىن جەتىلدىرۋ تۋرالى تۇسىندىرمە اقپاراتىنان بەيحابار. وسى سالانىڭ ناقتى اۋىر ەڭبەكتى ادال اتقارىپ جۇرگەن ناعىز ەڭبەك ادامدارىنا جالاقىنى ارتتىرۋدىڭ بىرىڭعاي مەتوديكاسى ساپالى ءتۇسىندىرىلۋى قاجەت. ولارعا ەڭبەك دەمالىسىنا ساۋىقتىرۋ جاردەماقىسىن تولەكدى قاراستىرۋ كەزەك كۇتتىرمەيتىن ماسەلە, – دەدى دەپۋتات.

turkystan.kz حابارلاعانداي, جۇلدىز سۇلەيمەنوۆا تەحنيكالىق قىزمەتكەرلەر جوندەۋ جۇمىستارىنا ارالاساتىنى جانە وعان قاراجات تولەنبەيتىنىن ايتادى.

جوندەۋ جۇمىستارىنا بيۋدجەتتەن ارنايى قاراجات قاراجات قاراستىرىلادى. ولاي بولسا, نەگە ونسىز دا ەڭبەگى اۋىر جالاقىسى تومەن ەڭبەك ادامدارى اعىمداعى جوندەۋ جۇمىستارىنا تارتىلۋى ءتيىس? بۇل ەڭبەك زاڭدىلىعىنا قايشى دەپ سانايمىن. وسى ماسەلەگە ناقتى جاۋاپ بەرۋىڭىزدى سۇرايمىن, – دەدى ول.

كەلەسى ماسەلە – حلور قولداناتىن جۇمىستارى كۇردەلى تەحنيكالىق پەرسونال وعان قوسىمشا اقى المايدى.

بۇل ماسەلەنىڭ شەشىمى قالاي بولماق? جالپى, ءبىلىم بەرۋ ۇيىمدارىندا بالالاردى ەدەن جۋشىلاردىڭ ەڭبەگىنە قۇرمەتپەن قاراۋعا تاربيەلەۋ قاجەت. وسى رەتتە, بيۋدجەتتىك ۇيىمدارداعى ورتا جانە كىشى بۋىن ماماندارى مەن قىزمەتشىلەردىڭ اتقاراتىن جۇمىسىنىڭ كۇردەلىلىگىنە جانە اۋىرلىعىنا ءارى ەرەكشەلىگىنە قاراي لايىقتى جالاقى تاعايىنداۋدىڭ مەتوديكاسىنا ستاج, جۇكتەمە, جۇمىستىڭ كۇردەلىلىگى دەڭگەيىن ەسكەرەتىن بىرىڭعاي جۇيە قاراستىرىلۋى ءتيىس جانە جالاقىنى ارتتىرۋدا وڭىرلىك جانە ىشكى تەڭگەرىمسىزدىكتى جويۋ شارت, – دەدى دەپۋتات.