Eńbek adamdary laıyqty eńbekaqy alýy kerek – Juldyz Súleımenova

sýret: parlam.kz

Eńbek adamdaryna laıyqty eńbekaqy tólenýi kerek. Májilis depýtaty Juldyz Súleımenova «AMANAT» partııasy frakııasynyń atynan Qazaqstan Respýblıkasy Premer-mınıstrdiń orynbasary Tamara Dúısenovaǵa depýtattyq saýal joldap, osy máseleni kóterdi, dep jazdy  qandastar.kz

«AMANAT» partııasy frakııasy bul suraqty únemi aıtyp keledi, byltyr da halyqpen kezdesýden keıin osy suraqtyń sheshimin usynatyn depýtattyq saýal joldady. 2024 jylǵy 29 aqpandaǵy Premer-Mınıstrdiń orynbasarynan kelgen jaýapta, «…Úkimet Dúnıejúzilik bankpen birlesip halyqaralyq tájirıbeni eskerip, jumystyń ereksheligine saıkes azamattyq qyzmetshilerdiń, bıýdjettik sala qyzmetkerleriniń eńbegine aqy tóleý júıesin jetildirý týraly jumys júrgizýde», – dep aıtylǵan. Alaıda, jumystyń nátıjesi tehnıkalyq qyzmetshiler úshin belgisiz. Eden jýýshy, plotnık, santehnık, aýla sypyrýshy, elektrıkterge saýyqtyrý járdemaqysyn tóleý, eńbekaqy júıesin jetildirý týraly túsindirme aqparatynan beıhabar. Osy salanyń naqty aýyr eńbekti adal atqaryp júrgen naǵyz eńbek adamdaryna jalaqyny arttyrýdyń biryńǵaı metodıkasy sapaly túsindirilýi qajet. Olarǵa eńbek demalysyna saýyqtyrý járdemaqysyn tólekdi qarastyrý kezek kúttirmeıtin másele, – dedi depýtat.

turkystan.kz habarlaǵandaı, Juldyz Súleımenova tehnıkalyq qyzmetkerler jóndeý jumystaryna aralasatyny jáne oǵan qarajat tólenbeıtinin aıtady.

Jóndeý jumystaryna bıýdjetten arnaıy qarajat qarajat qarastyrylady. Olaı bolsa, nege onsyz da eńbegi aýyr jalaqysy tómen eńbek adamdary aǵymdaǵy jóndeý jumystaryna tartylýy tıis? Bul eńbek zańdylyǵyna qaıshy dep sanaımyn. Osy máselege naqty jaýap berýińizdi suraımyn, – dedi ol.

Kelesi másele – hlor qoldanatyn jumystary kúrdeli tehnıkalyq personal oǵan qosymsha aqy almaıdy.

Bul máseleniń sheshimi qalaı bolmaq? Jalpy, bilim berý uıymdarynda balalardy eden jýýshylardyń eńbegine qurmetpen qaraýǵa tárbıeleý qajet. Osy rette, bıýdjettik uıymdardaǵy orta jáne kishi býyn mamandary men qyzmetshilerdiń atqaratyn jumysynyń kúrdeliligine jáne aýyrlyǵyna ári ereksheligine qaraı laıyqty jalaqy taǵaıyndaýdyń metodıkasyna staj, júkteme, jumystyń kúrdeliligi deńgeıin eskeretin biryńǵaı júıe qarastyrylýy tıis jáne jalaqyny arttyrýda óńirlik jáne ishki teńgerimsizdikti joıý shart, – dedi depýtat.