قارجى جانە تولەمدەر
ەڭبەك ينسپەكتسياسى جۇمىس بارىسىنداعى وتەماقى مەن جەڭىلدىكتەرگە قاتىستى تۇسىندىرمە جۇرگىزدى
فوتو: اشىق دەرەككوز
ەڭبەك ينسپەكتسياسى كوميتەتىنىڭ باس ساراپشىسى دانيار بالتاباي زياندى جەردە جۇمىس ىستەيتىندەرگە قانداي وتەماقى مەن جەڭىلدىك بەرىلەتىنىن ءتۇسىندىردى, دەپ حابارلايدى qandastar.kz
زياندى ەڭبەك جاعدايلارىندا جۇمىس ىستەيتىن قازاقستاندىقتار قانداي جەڭىلدىكتەر مەن وتەماقىلار الادى?
«قازاقستاننىڭ ەڭبەك كودەكسىنە سايكەس, اۋىر نەمەسە قاۋىپتى ەڭبەك جاعدايلارىندا جۇمىس ىستەيتىن قىزمەتكەرلەر زياندى فاكتورلاردىڭ اسەرى ءۇشىن جەڭىلدىكتەر مەن وتەماقىلار الۋعا قۇقىلى. ولارعا زاڭ بويىنشا 36 ساعاتتان اسپايتىن قىسقارتىلعان جۇمىس اپتاسىن, جىل سايىنعى ەڭبەك دەمالىسىنا قوسىمشا كەمىندە 6 كۇنتىزبەلىك كۇن اقى تولەنەتىن دەمالىس, كوتەرمەلەنگەن ەڭبەكاقى الۋىنا قۇقىعى بار», — دەدى ساراپشى.
سوزىنشە, كوتەرمەلەنگەن جالاقى مولشەرى ۇجىمدىق شارتتاردا نەمەسە جۇمىس بەرۋشىنىڭ ىشكى اكتىلەرىندە زيانى مەن قاۋىپتىلىگىن كورسەتەتىن دارەجەسىن كورسەتەتىن سالالىق كوەففيتسيەنتتەردى ەسكەرە وتىرىپ, زاڭنامالىق دەڭگەيدە بەكىتىلگەن وندىرىستەردىڭ, تسەحتاردىڭ, كاسىپتەر مەن لاۋازىمداردىڭ تىزىمىنە سايكەس ايقىندالادى. زياندى فاكتورلاردىڭ اسەرىنەن بولاتىن اۋرۋلار مەن ۋلانۋدىڭ الدىن الۋ ءۇشىن جۇمىس بەرۋشى ءسۇت نەمەسە ارنايى ديەتالىق ونىمدەردى ۇسىنۋعا مىندەتتى. بۇل وتەماقىلار زياندى جانە قاۋىپتى ەڭبەك جاعدايلارىن راستايتىن وندىرىستىك وبەكتىلەردە اتتەستاتسيالار ناتيجەسى بويىنشا بەرىلەدى.
