Eńbek mınıstri kelesi jyly zeınetaqy men járdemaqylar qanshaǵa ósetinin aıtty

Foto: pixabay.com

Eńbek jáne halyqty áleýmettik qorǵaý mınıstri Svetlana Jaqypova zeınetaqy men járdemaqyny ósirýge qatysty suraqqa jaýap berdi, dep jazdy qandastar.kz

Bul týraly Stan.kz aqparat agenttigi habarlaıdy.

Mınıstrdiń aıtýynsha, 2026 jyldyń bıýdjetinde zeınetaqy men áleýmettik tólemderdi arttyrýǵa 622 mıllıard teńgeden astam qarjy qarastyrylǵan. Olardy 10 paıyzǵa deıin ulǵaıtý josparlanǵan, bul boljamdy ınflıaııa deńgeıine sáıkes keledi, qazir ol 10,5 paıyzǵa teń.

«Zeınetaqy tólemderin alatyndardyń barlyǵynyń derlik zeınetaqysy ósedi: bul yntymaqty zeınetaqy, bazalyq zeınetaqy. Sondaı-aq múgedektik boıynsha beriletin tólemder: múgedektigi bar adamdarǵa, múgedektigi bar balalarǵa jáne olardy baǵyp otyrǵan ata-analarǵa beriletin járdemaqylar, asyraýshysynan aıyrylý boıynsha járdemaqylar ósedi. Negizgi bazalyq kórsetkishter kóteriledi», — dep sendirdi Svetlana Jaqypova.

Mınıstr zeınetaqy men járdemaqylar 2026 jylǵy 1 qańtardan bastap ósetinin naqtylady.

Aıta keteıik, búginde elimizde bazalyq zeınetaqynyń eń tómen mólsheri 32 360 teńge bolsa, keler jyly 35 596 teńgege ulǵaıýy múmkin, al bazalyq zeınetaqynyń eń joǵary mólsheri bıyl 50 851 teńge bolsa, kelesi jyly 5 myń teńgedeı qosylyp, 55 936 teńge bolýy múmkin.

Sondaı-aq mınıstr kelesi jyly eń tómengi jalaqy mólsheri de ósýi múmkin ekenin aıtty. Qazir elimizde eń tómengi jalaqy – 85 myń teńge.