Eńbek mınıstrligi 2029 jylǵa qaraı 1,7 mln qazaqstandyqtyń jalaqysyn kóterýge ýáde berdi

QR Eńbek jáne halyqty áleýmettik qorǵaý mınıstri Svetlana Jaqypova mansap ortalyqtary qyzmetkerleriniń tabysyn arttyrý jospary týraly aıtty,-dep habarlaıdy Qandastar.kz

«Memleket basshysynyń tapsyrmalaryn iske asyrý maqsatynda mansap ortalyqtarynda mamandarǵa eńbekaqy tóleýdiń jumysqa ornalastyrý nátıjelerine qaraı jańa júıesin engizý tásilderi ázirlendi.

Usynylyp otyrǵan eńbekaqyny esepteý ádistemesi jumys nátıjesine sáıkes ázirlengen, ıaǵnı azamattardy jumysqa ornalastyrýǵa baǵyttalǵan mansap ortalyqtary qyzmetkerleriniń bilimine, daǵdysyna baılanysty «keıs-menedjment» prınıpin engize otyryp jasalady.

Pılottyq jobany júzege asyrý úshin bir-birine uqsamaıtyn úsh aımaq tańdaldy: Túrkistan, Batys Qazaqstan jáne Qostanaı oblystary», – dedi Svetlana Jaqypova Úkimet otyrysynda.

Ol joǵaryda atalǵan baǵyttardaǵy jumys elimizde sapaly jumys oryndarynyń sanyn arttyryp, jumyspen qamtý qurylymyn jaqsartýǵa múmkindik beretinin basa aıtty. «2029 jylǵa qaraı ekonomıka 3,8 mıllıon sapaly jumys ornyn (jumyspen qamtýdyń jalpy qurylymynyń 45 paıyzy) qamtamasyz etedi dep boljanýda. Bul 1,7 mıllıon azamattyń tabysyn ortasha jalaqydan joǵary deńgeıge kóterýge múmkindik beredi», – dep qosty mınıstr.