الەم جاڭالىقتارى
ەڭبەك مينيسترلىگى ەندى شەتەلدە جۇمىسقا ورنالاستىراتىن اگەنتتىكتەردىڭ قىزمەتىن باقىلايدى
ەڭبەك جانە حالىقتى الەۋمەتتىك قورعاۋ مينيسترلىگى قازاقستان ازاماتتارىنىڭ شەتەلدەگى ەڭبەك قىزمەتىن ۇيىمداستىرۋ بويىنشا جوباسىن ازىرلەدى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
«اشىق نقا» پورتالىندا ەڭبەك موبيلدىلىگى ورتالىقتارىنىڭ جەكە جۇمىسپەن قامتۋ اگەنتتىكتەرىمەن ءوزارا ءىس-قيمىل جاساۋ قاعيدالارى جاريالانعان.
قۇجاتتىڭ نەگىزگى ماقساتى – رەسپۋبليكادان تىس جەرلەرگە جۇمىسقا شىعاتىن قازاقستاندىقتاردى دايارلاۋ, ولاردىڭ ەڭبەك قىزمەتىن ءتيىمدى ۇيىمداستىرۋ جانە شەتەلدە ەڭبەك قۇقىقتارىن قورعاۋدى قامتاماسىز ەتۋ.
“قاعيدالار شەتەلدە ازاماتتاردى جۇمىسقا ورنالاستىراتىن جەكە جۇمىسپەن قامتۋ اگەنتتىكتەرىنە قويىلاتىن تالاپتاردى بەلگىلەيدى, سونداي-اق وسى اگەنتتىكتەردىڭ ەڭبەك ۇتقىرلىعى ورتالىقتارىمەن ءوزارا ءىس-قيمىل جاساۋ ءتارتىبىن ايقىندايدى”, – دەلىنگەن حابارلامادا.
سونداي-اق جەكە جۇمىسپەن قامتۋ اگەنتتىكتەرىنىڭ شەتەلدە جۇمىسقا ورنالاسقىسى كەلەتىن ىزدەنۋشىلەردى ىرىكتەۋ جانە ولاردى دايارلاۋ ءتارتىبى رەگلامەنتتەلەدى.
بۇدان باسقا بەلگىلەنگەن تالاپتارعا سايكەس كەلەتىن جەكە جۇمىسپەن قامتۋ اگەنتتىكتەرىنىڭ ءتىزىلىمىن قۇرۋ جانە جۇرگىزۋ كوزدەلەدى.
