Eńbek mınıstrligi endi shetelde jumysqa ornalastyratyn agenttikterdiń qyzmetin baqylaıdy

Eńbek jáne halyqty áleýmettik qorǵaý mınıstrligi Qazaqstan azamattarynyń sheteldegi eńbek qyzmetin uıymdastyrý boıynsha jobasyn ázirledi. Bul týraly qandastar.kz Stan.kz aqparat agenttigine silteme jasap habarlaıdy.

«Ashyq NQA» portalynda eńbek mobıldiligi ortalyqtarynyń jeke jumyspen qamtý agenttikterimen ózara is-qımyl jasaý qaǵıdalary jarııalanǵan.

Qujattyń negizgi maqsaty – respýblıkadan tys jerlerge jumysqa shyǵatyn qazaqstandyqtardy daıarlaý, olardyń eńbek qyzmetin tıimdi uıymdastyrý jáne shetelde eńbek quqyqtaryn qorǵaýdy qamtamasyz etý.

“Qaǵıdalar shetelde azamattardy jumysqa ornalastyratyn jeke jumyspen qamtý agenttikterine qoıylatyn talaptardy belgileıdi, sondaı-aq osy agenttikterdiń eńbek utqyrlyǵy ortalyqtarymen ózara is-qımyl jasaý tártibin aıqyndaıdy”, – delingen habarlamada.

Sondaı-aq jeke jumyspen qamtý agenttikteriniń shetelde jumysqa ornalasqysy keletin izdenýshilerdi irikteý jáne olardy daıarlaý tártibi reglamentteledi.

Budan basqa belgilengen talaptarǵa sáıkes keletin jeke jumyspen qamtý agenttikteriniń tizilimin qurý jáne júrgizý kózdeledi.