الەم جاڭالىقتارى
ەندى 15 جاسقا تولماعان جاسوسپىرىمدەر الەۋمەتتىك جەلىنى قولدانا المايدى
نورۆەگيادا 15 جاسقا تولماعان جاسوسپىرىمدەر الەۋمەتتىك جەلىنى قولدانا الماۋى مۇمكىن, دەپ حابارلايدى qandastar.kz Orda.kz-كە سىلتەمە جاساپ.
بيلىكتە وتىرعاندار الەۋمەتتىك جەلى جاستاردىڭ «ميىنا قارسى» قۇرىلعاندىعىن ايتىپ جاتىر. نورۆەگيا زاڭى بۇعان دەيىن 13 جاسقا دەيىنگى بالالارعا ارنالعان الەۋمەتتىك جەلىنى قولدانۋعا شەكتەۋ قويعان. ەلدە 10 جاستاعى بالالاردىڭ 58%-ى, 11 جاستاعى بالالاردىڭ 72% الەۋمەتتىك جەلىنى پايدالانادى. زاڭنىڭ ءىس جۇزىندە جۇزەگە اسۋىن قامتاماسىز ەتۋ ءۇشىن بيلىك جەرگىلىكتى جەكە دەرەكتەر تۋرالى زاڭداردى وزگەرتۋدى جانە ادام جاسىن رەسمي تۇردە تەكسەرۋ مەحانيزمىن ەنگىزۋدى جوسپارلاپ وتىر.
