Endi alaıaqtar rásimdegen nesıelerdi bankter óteıdi

Foto: ashyq derekkóz

Qarjy naryǵyn retteý jáne damytý agenttiginiń tóraǵasy Madına Ábilqasymova eger nesıe qaryz tóleýshiniń tikeleı qatysýynsyz rásimdelse, boryshty joıý múmkindigi qarastyrylatynyn aıtty, dep habarlady Qandastar.kz.

Májilis otyrysynda agenttik tóraǵasy alaıaqtar rásimdegen nesıelerdi óteý múmkindigi qarastyrylyp jatqanyn málimdedi. Sonymen qatar 2024 jyldyń basynda Qazaqstanda nesıe alýdan óz erkimen bas tartýǵa jol ashatyn zań qabyldanǵanyn da eske saldy.

«Sáıkesinshe qandaı da bir jolmen azamattyń jeke derekteri alaıaqtardyń qolyna túsip, nesıe alýǵa ózi qatyspaǵan jaǵdaıda qaryz joıylady», – dedi Ábilqasymova.

Aıta ketý kerek, agenttik tóraǵasy alaıaqtar rásimdegen nesıeni keshirý máselesi áli de talqylanatynyn jetkizdi.