ەندى اسكەري رەزەرۆتەگى ادامدارعا جالاقى تولەنەد

فوتو: اشىق دەرەككوز

ەندى اسكەري رەزەرۆتەگى ادامدارعا جالاقى تولەنەدى, دەپ جازادى qandastar.kz

سەناتورلار رەزەرۆتەگى اسكەري قىزمەتكە قاتىستى زاڭعا تۇزەتۋلەردى ماقۇلدادى. اسكەري رەزەرۆتەگى ادامدارمەن كەلىسىمشارت ەرىكتى تۇردە 3 جىلعا جاسالادى. ال جاۋىنگەرلىك دايارلىق بويىنشا ساباقتار مەن جيىندار اي سايىنعى ءۇش كۇنگە دەيىنگى ساباقتاردى قوسا العاندا, جىلىنا كۇنتىزبەلىك 60 كۇننەن اسپايتىن ۋاقىتتى الادى. اسكەري رەزەرۆ قاتارىندا بولعىسى كەلەتىندەرگە قويىلاتىن تالاپتار: جەكە جانە كاسىبي قاسيەتتەردىڭ بولۋى, ءبىلىمى; جاس ەرەكشەلىكتەرى (جەكە قۇرام مەن سەرجانتتار ءۇشىن – 18 جاسقا تولعان جانە 47 جاستان اسپاعان, وفيتسەرلىك قۇرام – 57 جاسقا دەيىن); ۇمىتكەر مىندەتتى تۇردە مەرزىمدى اسكەري قىزمەتتەن نەمەسە اسكەري كافەدراداعى دايىندىقتان ءوتۋى ءتيىس.

رەزەرۆتەگى اسكەريلەرگە اي سايىن بيۋدجەت قاراجاتى ەسەبىنەن ەڭ تومەنگى جالاقى تولەنەتىن بولادى. ال جاۋىنگەرلىك دايارلىق بويىنشا جيىنداردان نەمەسە داعدارىستىق احۋالدار كەزىندەگى جيىنداردان ءوتۋ كەزەڭىندە ەڭ تومەن (جۇمىسسىز ادامعا) جانە جۇمىس ورنى بويىنشا ورتاشا ايلىق جالاقى (جۇمىس ىستەيتىن ادامعا) بەرىلەدى. بۇل رەتتە ولاردىڭ جۇمىس ورنى ساقتالادى. ولار جاراقات العان جاعدايدا مەديتسينالىق كومەكپەن, تاماقتانۋمەن جانە بىرجولعى وتەماقىمەن قامتاماسىز ەتىلەدى. جيىندار مەن وقۋ-جاتتىعۋلار كەزىندە قايتىس بولعان جاعدايدا مۇراگەرلەرىنە 500 اەك مولشەرىندە بىرجولعى اقشالاي وتەماقى تولەۋ كوزدەلگەن.