ەندى باكالاۆر ستۋدەنتتەرى «بولاشاق» باعدارلاماسى بويىنشا شەتەلدە ءبىلىم الا الادى

فوتو: اشىق دەرەككوز

عىلىم جانە جوعارى ءبىلىم ءمينيسترى ساياسات نۇربەك ەندى باكالاۆر ستۋدەنتتەرىنىڭ «بولاشاق» باعدارلاماسى بويىنشا شەتەلدە وقي الاتىنىن مالىمدەدى. بۇل تۋرالى Stan.kz اقپارات اگەنتتىگى حابارلايدى.

بۇل شەشىمدى وتكەن جىلى رەسپۋبليكالىق كوميسسيا قابىلداعان. شەشىم ءبىلىم تۋرالى زاڭنىڭ ءبىر بولىگىنە وزگەرىستەر ەنگىزۋدى تالاپ ەتەدى.

ء«بىز وتكەن جىلدىڭ اياعىندا پارلامەنتكە ءتيىستى زاڭ جوباسىن ۇسىندىق. دەپۋتاتتار قولداپ, ءوز ۇسىنىستارىن ايتتى. تۇزەتۋلەرمەن كەلىستىك. ۇكىمەت وتىرىسىنان كەيىن بۇل قورىتىندى پارلامەنتكە قايتارىلدى. جاڭا سەسسيا باستالعان كەزدە بەلسەندى تۇردە قوسىلامىز. وسى جىلى قابىلدانادى. «بولاشاق» باعدارلاماسىنداعى «باكالاۆر» ساناتىن وسىلاي قالپىنا كەلتىرەمىز», – دەدى نۇربەك.

باعدارلاما حالىقارالىق وليمپيادالار مەن عىلىمي جارىستاردا جۇلدەلى ورىندارعا يە بولعان ۇزدىك تۇلەكتەرگە گرانت بەرەدى. بۇل جارىستاردىڭ ءتىزىمىن رەسپۋبليكالىق كوميسسيا رەتتەيتىن بولادى

الەمنىڭ ۇزدىك ۋنيۆەرسيتەتتەرىنە ءوز بىلىمىمەن تۇسكەن مەكتەپ وقۋشىلارى دا باعدارلاماعا قاتىسا الادى.

ايتا كەتەيىك, بۇعان دەيىن 2024 جىلى «اۋىل شارۋاشىلىعى جانە بيورەسۋرستار» جانە «ۆەتەريناريا» بىلىم بەرۋ سالاسى بويىنشا شەكتى بالل وزگەرگەنى تۋرالى جازعان ەدىك.