جاڭالىقتار
«ەندى بالاڭىز ويانبايدى»: الاياقتار بالاباقشاداعى بالالاردىڭ اتا-انالارىنا ۇرەيلى حابارلامالار جىبەرگەن
فوتو: ۆيدەودان كادر
الاياقتار قازاقستاندىق بالاباقشالاردىڭ ءبىرىنىڭ تاربيەشىسىنىڭ اككاۋنتىن بۇزىپ, اتا-انالارعا قورقىنىشتى حابارلاما جىبەرگەنى تۋرالى وقيعا الەۋمەتتىك جەلىدە تارادى, دەپ حابارلايدى qandastar.kz
بۇلدىرشىندەردىڭ ءبىرىنىڭ اناسى الاياقتار تاربيەشىنىڭ اتىنان بەلگىسىز بىرەۋلەر بالاسىن تەرەزەدەن يتەرىپ جىبەرگەنى تۋرالى جازعانىن ايتتى.
الەۋمەتتىك جەلى قولدانۋشىسىنىڭ ايتۋىنشا, ول الدىمەن تاربيەشىگە بالاسىن ەرتەرەك الىپ كەتۋ قاجەتتىگىن ەسكەرتىپ, حابارلاما جىبەرگەن. بىراق كۇتپەگەن جاۋاپ العان. بالاسىنىڭ «ەندى ەشقاشان ويانبايتىنىن, سەبەبى باسقا ءبىر قىز ونى تەرەزەدەن يتەرىپ جىبەرگەنىن» جازعان.
اناسى قاتتى شوشىپ, ۇرەيگە تۇسكەن. الايدا كەيىن تاربيەشىنىڭ اككاۋنتىن بۇزعانى انىقتالدى. پوستتىڭ استىنداعى پىكىرلەردە تاربيەشىنىڭ ءوزى بۇل جاعدايعا بايلانىستى پوليتسياعا ارىز جازعانى ايتىلدى.
كەيبىر قولدانۋشىلار بۇل وقيعانى بلوگەر ادەيى ويلاپ تاپقان دەپ سەنبەستىك تانىتتى. بىراق كوپ ۇزاماي ايەل تاعى ءبىر ۆيدەو جاريالاپ, جاعدايدى ءتۇسىندىردى. ونىڭ ايتۋىنشا, سول ۋاقىتتا باسقا اتا-انالار دا تاربيەشىگە حابارلاما جازعان, جانە ولارعا دا ءدال وسىنداي ۇرەيلى جاۋاپتار كەلگەن.
sn.kz جازعانداي, كوپتەگەن پىكىر قالدىرۋشىلار بۇل وقيعادان قاتتى شوشىپ, حايپ ءۇشىن مۇنداي نارسەنى ويلاپ تابۋ مۇمكىن ەمەس ەكەنىن ايتتى.
جەلى قولدانۋشىلارى ءوز تاجىريبەلەرىمەن ءبولىستى. «قىزىم «اناشىم, قوش بول, مەكتەپتە بومبا» دەپ جازعاندا, اسپان اينالىپ جەرگە تۇسكەندەي كۇي كەشتىم. سول كۇنى ولار باسقا مەكتەپتە ونەر كورسەتىپ جاتقان, مەن ەشكىمگە حابارلاسا المادىم, سۇرايتىن ادام بولمادى, دۇربەلەڭ باستالدى. بالالارىمىز جوعالىپ, قورقىپ كەتتىم. كەيىن بەلگىلى بولعانداي, بىرەۋ تەلەفون شالىپ, ازىلدەگەن ەكەن, «اللا ەشبىر اناعا ءسىز سەزىنگەن قورقىنىشتى سەزىنۋدى جازباسىن”, «جاساندى ينتەللەكتپەن اباي بولىڭىزدار, مەن نەيروجەلى تۋرالى ايتىپ تۇرمىن. ەندى ولار اتا-انالاردىڭ داۋسىن قولدان جاساپ, بالالاردى ۇرلايتىن بولادى! بالالارىڭىزبەن تەك سىزدەر عانا بىلەتىن قۇپيا ءسوز ويلاپ تابىڭىزدار (انا, اكە جانە بالا عانا بىلەتىن كود ءسوز)”, – دەپ جازعان ولار.
