«Endi balańyz oıanbaıdy»: Alaıaqtar balabaqshadaǵy balalardyń ata-analaryna úreıli habarlamalar jibergen

Foto: vıdeodan kadr

Alaıaqtar qazaqstandyq balabaqshalardyń biriniń tárbıeshisiniń akkaýntyn buzyp, ata-analarǵa qorqynyshty habarlama jibergeni týraly oqıǵa áleýmettik jelide tarady, dep habarlaıdy  qandastar.kz

Búldirshinderdiń biriniń anasy alaıaqtar tárbıeshiniń atynan belgisiz bireýler balasyn terezeden ıterip jibergeni týraly jazǵanyn aıtty.

Áleýmettik jeli qoldanýshysynyń aıtýynsha, ol aldymen tárbıeshige balasyn erterek alyp ketý qajettigin eskertip, habarlama jibergen. Biraq kútpegen jaýap alǵan. Balasynyń «endi eshqashan oıanbaıtynyn, sebebi basqa bir qyz ony terezeden ıterip jibergenin» jazǵan.

Anasy qatty shoshyp, úreıge túsken. Alaıda keıin tárbıeshiniń akkaýntyn buzǵany anyqtaldy. Posttyń astyndaǵy pikirlerde tárbıeshiniń ózi bul jaǵdaıǵa baılanysty polıııaǵa aryz jazǵany aıtyldy.

Keıbir qoldanýshylar bul oqıǵany bloger ádeıi oılap tapqan dep senbestik tanytty. Biraq kóp uzamaı áıel taǵy bir vıdeo jarııalap, jaǵdaıdy túsindirdi. Onyń aıtýynsha, sol ýaqytta basqa ata-analar da tárbıeshige habarlama jazǵan, jáne olarǵa da dál osyndaı úreıli jaýaptar kelgen.

sn.kz  jazǵandaı, kóptegen pikir qaldyrýshylar bul oqıǵadan qatty shoshyp, haıp úshin mundaı nárseni oılap tabý múmkin emes ekenin aıtty.

Jeli qoldanýshylary óz tájirıbelerimen bólisti. «Qyzym «Anashym, qosh bol, mektepte bomba» dep jazǵanda, aspan aınalyp jerge túskendeı kúı keshtim. Sol kúni olar basqa mektepte óner kórsetip jatqan, men eshkimge habarlasa almadym, suraıtyn adam bolmady, dúrbeleń bastaldy. Balalarymyz joǵalyp, qorqyp kettim. Keıin belgili bolǵandaı, bireý telefon shalyp, ázildegen eken, «Alla eshbir anaǵa siz sezingen qorqynyshty sezinýdi jazbasyn”, «Jasandy ıntellektpen abaı bolyńyzdar, men neırojeli týraly aıtyp turmyn. Endi olar ata-analardyń daýsyn qoldan jasap, balalardy urlaıtyn bolady! Balalaryńyzben tek sizder ǵana biletin qupııa sóz oılap tabyńyzdar (ana, áke jáne bala ǵana biletin kod sóz)”, – dep jazǵan olar.