ەندى دارىگەرلەر ناۋقاستاردى ەمدەۋگە ۇيلەرىنە بارمايدى

فوتو: trends.rbc.ru

دەنساۋلىق ساقتاۋ مينيسترلىگى العاشقى مەديتسينالىق-سانيتارلىق كومەكتى ۇيىمداستىرۋ ستاندارتىنان وسىنداي تارماقتى الىپ تاستاۋدى جوسپارلاپ وتىر, – دەپ حابارلايدى qandastar.kz

بۇل وزگەرىس ءجىتى جەدەل ءارى سوزىلمالى اۋرۋلارى بار پاتسيەنتتەرگە قاتىستى. سونداي-اق ستاتسيونارلىق ەم الۋدىڭ مينيمالدى مەرزىمى ءۇش جۇمىس كۇنى بولىپ بەكىتىلمەك. ءجىتى جەدەل اۋرۋلار كەزىندە -5 كۇن, ال سوزىلمالى اۋرۋلارعا بەرىلەتىن مەرزىم 8 كۇننەن كوپ ەمەس.

ودان بولەك زورلىق-زومبىلىق جانە قاتىگەزدىك تانىتۋدىڭ جوعارعى قاۋپى تۋرالى دەرەكتى پسيحولوگتار مەن الەۋمەتتى قىزمەتكەرلەرگە تاراتۋ تۋرالى تارماق تا الىنىپ تاستالماق.

العاشقى مەديتسينالىق-سانيتارلىق كومەكتى ۇيىمداستىرۋ ستاندارتتارىن قايتا قاراۋ تۋرالى قۇجات اشىق نورماتيۆتىك-قۇقىقتىق اكت پورتالىندا تۇر. ول 26 قىركۇيەككە دەيىن تالقىلاۋدا بولادى.