Endi elimizde kir mashınasy men shańsorǵyshtan shyqqan dybys úshin aıyppul salynbaq

Foto: freepik.com

Endi qazaqstandyqtarǵa keshki ýaqytta kir mashınasy men shańsorǵyshtan shyqqan dybys úshin aıyppul salynýy múmkin, dep jazdy qandastar.kz

Bul týraly Stan.kz aqparat agenttigi Informbıýrobaǵdarlamasyna silteme jasap habarlaıdy.

Máselen, shańsorǵyshtyń daýsy shamamen 70 deıbelge teń. Al elde «tynyshtyq saǵaty» týraly zań bar. Oǵan sáıkes, keshki 22:00-den keıin shańsorǵysh qosýǵa bolmaıdy. Áıtpese, 30 myń teńgege jýyq aıyppul tóleýińizge týra keledi.

Sanıtarlyq normalarǵa sáıkes, kúndizgi ýaqytta ruqsat etilgen shýdyń deńgeıi – 55 deıbel. Al túnde ári «tynyshtyq saǵatynda» – 40 deıbelden aspaýy tıis.

«Kodekstiń negizgi talaby boıynsha jumys kúnderi keshki 22:00-den tańǵy 9:00-ge deıin, al demalys jáne mereke kúnderi 23:00-den 10:00-ge deıin tynyshtyqty buzýǵa jol berilmeıdi. Eń jıi shaǵym túsetin jaǵdaı qurylys alańdarynan shyqqan shý», – dedi Almaty qalasy sanıtarııalyq-epıdemıologııalyq baqylaý departamentiniń kommýnaldyq nysandardy baqylaý bóliminiń basshysy: Gúljan Qılybaeva.

Almatyda jyl basynan beri tynyshtyqty buzǵany úshin 550-den astam adamǵa aıyppul arqalaǵan. Alǵash ret tártip buzǵandarǵa on aılyq eseptik kórsetkish (shamamen 40 myń teńge) kóleminde aıyppul qarastyrylǵan. Eger bir jyl ishinde oqıǵa qaıtalansa, soma eki esege ósip, jıyrma aılyq eseptik kórsetkishke jetedi. Degenmen júrgizilip jatqan aldyn alý sharalaryna qaramastan, quqyq buzýshylardyń sany áli de joǵary bolyp otyr.

«Qazaqstannyń Ákimshilik kodeksinde 437-bap tynyshtyqty buzý týraly norma bar. Zań boıynsha barlyq dańǵaza jóndeý jumystary, qatty mýzyka jáne azamattardyń tynyshtyǵyn buzatyn kez kelgen áreketke tyıym salynady ári ol zańǵa qaıshy sanalady», – delingen polıııa habarlamasynda.

Barlyq kórshiler birden ýchaskelik polıııaǵa shaǵymdana bermeıdi. Ádette daý-janjaldar turǵyndar chatynda sheshiledi. Degenmen erejelerdi bilip, olardy buzbaǵan durys.