ەندى يمامدارعا الەۋمەتتىك جەلىدە سويلەۋگە بولمايدى

فوتو:ياندەكس

وزبەكستان مەشىتتەرىنىڭ بارلىق يمامدارىنا الەۋمەتتىك جەلىلەرگە كىرۋگە جانە جازبالارعا «لايك» قويۋعا تىيىم سالىنادى, دەپ حابارلايدى qandastar.kz Skifnews.kzاقپارات پورتالىنا سىلتەمە جاساپ.

وزبەكستان مۇسىلماندارى باسقارماسى بۇل شەكتەۋدى رەسمي تۇردە راستادى. مامىر ايىنىڭ سوڭىندا بارلىق يمامدار تاشكەنتتىڭ باس يمامىنىڭ كومەكشىسى ەرگاش رۋستاموۆتان اۋديو حابارلاما الدى. وندا يمامدارعا الەۋمەتتىك جەلىلەردە پىكىر بىلدىرۋگە جانە كەز كەلگەن جازباعا «لايك» باسۋعا تىيىم سالىنعانى ايتىلعان.

ەلدەگى ءدىني احۋالعا كەلسەك, وزبەكستاندا 16 كونفەسسياعا تيەسىلى 2285 ءدىني ۇيىم بار. ولاردىڭ ىشىندە 2098-ءى يسلامدىق ۇيىمدار, ال 188-ءى باسقا ءدىني اعىمدارعا جاتادى.

وزبەكستان رەسپۋبليكاسىنىڭ كونستيتۋتسياسىنا سايكەس, ءدىن مەملەكەتتەن بولىنگەن. ءدىني ۇيىمدار مەن كونفەسسيالاردىڭ قىزمەتى «ار-وجدان بوستاندىعى جانە ءدىني ۇيىمدار تۋرالى» زاڭمەن رەتتەلەدى.