Endi Qazaqstanda kólikti 5 mınýttan artyq qyzdyrýǵa bolmaıdy

Foto: ashyq derekkóz

Qazaqstanda jol qozǵalysy erejeleri tek jyldamdyqty shekteýdi ǵana emes, ekologııaǵa nazar aýdarýdy da talap etedi, dep jazdy qandastar.kz

Kólikti jylytýǵa shekteý: ekologııalyq talaptar

Qystyń aıazdy kúnderinde kólikti aldyn ala jylytý – qazaqstandyqtar úshin ádettegi jaǵdaı. Alaıda ekologııalyq standarttar bul árekettiń qanshalyqty durys ekenin qaıta qaraýdy talap etedi. Uzaq ýaqyt kólikti jylytý janarmaı shyǵynyn arttyryp qana qoımaı, atmosferaǵa zııandy zattardyń, sonyń ishinde kómirtek totyǵynyń bólinýine sebep bolady.

Osyǵan baılanysty, Qazaqstanda turǵyn úılerdiń janynda jumys istep turǵan qozǵaltqyshpen kólikti 5 mınýttan artyq toqtatyp qoıýǵa tyıym salynǵan. Erejeni buzǵany úshin:

•Alǵashqy rette – 5 aılyq eseptik kórsetkish (AEK), ıaǵnı 19 660 teńge kóleminde aıyppul salynady.

•Qaıtalanǵan jaǵdaıda – 10 AEK nemese 39 320 teńge aıyppul tóleý kerek.

Aıyppul salý úshin memlekettik tirkeý nómiri, quqyqbuzýshylyq jasalǵan ýaqyt pen kúni kórsetilgen 5 mınýttan astam beınejazba qajet.

Qaýipsizdik beldigin taqpaı qozǵalý: taǵy bir jıi kezdesetin ereje buzýshylyq

Jol qozǵalysy erejeleriniń 2-bóliminiń 9-tarmaǵyna sáıkes, kólik júrgizýshisi qaýipsizdik beldigin taǵýǵa, sondaı-aq qaýipsizdik beldigin taqpaǵan jolaýshylardy tasymaldamaýǵa mindetti. Bul talapty oryndamaǵan jaǵdaıda:

•5 AEK kóleminde aıyppul (19 660 teńge) qarastyrylǵan.

Kólikti jylytý nemese qaýipsizdik beldigin taqpaý sııaqty usaq quqyqbuzýshylyqtar eleýsiz bolyp kóringenimen, aıtarlyqtaı qarjylyq shyǵyndarǵa ákelýi múmkin. Sondyqtan júrgizýshilerdi ekologııalyq normalardy saqtap, jol erejelerine muqııat bolýǵa shaqyramyz.