ەندى قازاقستاندا تۇتىنۋشىدان قولما-قول اقشا تالاپ ەتەتىندەر ايىپپۇل تولەيدى

ەلىمىزدە ەندى تۇتىنۋشىدان قولما-قول اقشا تالاپ ەتەتىن كاسىپكەرلەر اكىمشىلىك جاۋاپكەرشىلىككە تارتىلادى. ايىپپۇلدىڭ كولەمى 157 مىڭ تەڭگە بولماق. بۇل تۋرالى دەپ حابارلايدى qandastar.kz اقپارات پورتالى ينفورمبيۋرو ارناسىنا سىلتەمە جاساپ حابارلايدى.

كىرىستەر كوميتەتىنىڭ مالىمەتىنشە, تالاپقا باعىنباعان كاسىپكەرلەر جازالانادى.

ەلىمىزدە سوڭعى كەزدەرى دۇكەندەردە تولەمدى QR نەمەسە بانك اۋدارىمى ارقىلى الۋعا قارسىلىق بىلدىرەتىن جاعدايلار جيىلەگەن. ساتۋشىلار ءتۇرلى سىلتاۋ ايتىپ, تابىسىن جاسىرۋعا تىرىسادى ەكەن. مۇنداي جاعدايدا تۇرعىندار بىردەن كىرىستەر دەپارتامەنتىنە شاعىمدانا الادى.

سونداي-اق بيىلدان باستاپ قازاقستاندىقتاردىڭ ءموبيلدى اۋدارىمدارى باقىلاۋعا الىنعان ەدى. ەندى ءبىر ايدا 100 نەمەسە ودان كوپ تۇلعادان ءموبيلدى اۋدارىم ارقىلى 255 مىڭ تەڭگە تولەم جاسالسا تۇرعىندار كاسىپكەر رەتىندە تىركەلۋگە مىندەتتى.

“ساتۋشى ءوز تاراپىنان تولەمدى ءۇش ءتۇرلى جولمەن قابىلداۋ كەرەك. ءبىرىنشى قولما-قول اقشا, ەكىنشى كارتا, ءۇشىنشى كيۋار كود ارقىلى قابىلداۋعا مىندەتتى. ەگەر ساتىپ الۋشىعا جوق مەن ولاي قابىلدامايمىن, قولما قول اقشا عانا قابىلدايمىن دەگەن ساۋال قويىلسا ول دەمەك زاڭعا قايشى كەلىپ تۇر”, – دەيدى زاڭتەر ۆەنەرا نۇرعاليقىزى.