Qarjy jáne tólemder
Endi Qazaqstanda tutynýshydan qolma-qol aqsha talap etetinder aıyppul tóleıdi
Foto: ashyq derekkóz
Endi bir aıda 100 nemese odan kóp tulǵadan mobıldi aýdarym arqyly 255 myń teńge tólem jasalsa turǵyndar kásipker retinde tirkelýge mindetti.
Elimizde endi tutynýshydan qolma-qol aqsha talap etetin kásipkerler ákimshilik jaýapkershilikke tartylady. Aıyppuldyń kólemi 157 myń teńge bolmaq. Bul týraly dep habarlaıdy qandastar.kz aqparat portaly Informbıýro arnasyna silteme jasap habarlaıdy.
Kirister komıtetiniń málimetinshe, talapqa baǵynbaǵan kásipkerler jazalanady.
Elimizde sońǵy kezderi dúkenderde tólemdi QR nemese bank aýdarymy arqyly alýǵa qarsylyq bildiretin jaǵdaılar jıilegen. Satýshylar túrli syltaý aıtyp, tabysyn jasyrýǵa tyrysady eken. Mundaı jaǵdaıda turǵyndar birden kirister departamentine shaǵymdana alady.
Sondaı-aq bıyldan bastap qazaqstandyqtardyń mobıldi aýdarymdary baqylaýǵa alynǵan edi. Endi bir aıda 100 nemese odan kóp tulǵadan mobıldi aýdarym arqyly 255 myń teńge tólem jasalsa turǵyndar kásipker retinde tirkelýge mindetti.
“Satýshy óz tarapynan tólemdi úsh túrli jolmen qabyldaý kerek. Birinshi qolma-qol aqsha, ekinshi karta, úshinshi kıýar kod arqyly qabyldaýǵa mindetti. Eger satyp alýshyǵa joq men olaı qabyldamaımyn, qolma qol aqsha ǵana qabyldaımyn degen saýal qoıylsa ol demek zańǵa qaıshy kelip tur”, – deıdi zańter Venera Nurǵalıqyzy.
