جاڭالىقتار
ەندى قازاقستاندىقتار يلون ماسكتىڭ ينتەرنەتىن پايدالانا الادى
فوتو:gov.kz
قازاقستاندىقتار رەسمي تۇردە Starlink كومپانياسىنىڭ ينتەرنەت قىزمەتىن پايدالانا الادى, دەپ حابارلايدى qandastar.kz Orda.kz-كە سىلتەمە جاساپ.
بۇل تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى مالىمدەدى.
بۇگىن, 12 ماۋسىم كۇنى ۆەدومستۆو مەن Starlink كومپانياسى ۇسىنعان جەر سەرىگىنىڭ ينتەرنەت قىزمەتىن قازاقستان اۋماعىندا ىسكە قوسۋ تۋرالى كەلىسىمگە قول قويدى.
ەندى قازاقستان حالقى 2025 جىلدىڭ ءۇشىنشى توقسانىنان باستاپ Starlink جەر سەرىگى تەرمينالدارىن رەسمي تۇردە ساتىپ الا الادى.
«بۇگىنگە دەيىن Starlink ەلىمىزدە تەك مەكتەپتەرگە ينتەرنەت ۇسىنىپ, پيلوتتىق رەجيمدە جۇمىس ىستەپ كەلدى. ال حالىق ءۇشىن ول رەسمي تۇردە قولجەتىمدى بولمادى. ەندى ءبىز كەلىسىمگە كەلدىك. كومپانيا اقپاراتتىق قاۋىپسىزدىك پەن بايلانىس سالاسىنداعى ۇلتتىق زاڭناما تالاپتارىنا ساي جۇمىس ىستەيتىن بولادى. بيىل قاجەتتى جۇمىستار جۇرگىزىلىپ, تۇرعىندار رەسمي ءارى زاڭدى تۇردە ينتەرنەتكە قوسىلا الادى», — دەدى مينيستر جاسۇلان ماديەۆ.
ەندى ازاماتتار تەرمينالداردى زاڭدى تۇردە ساتىپ الىپ, پايدالانىپ, قازاقستان رەسپۋبليكاسىنىڭ زاڭناماسىنا سايكەس تىركەي الادى.
ايتا كەتەيىك, بۇعان دەيىن مينيستر قازاقستانداعى ينتەرنەت توكيونى باسىپ وزاتىنىن ايتقان ەدى.
